ابغى عجينة المطاطيز الله يجزاكم الجنة

سوي عجينه عاديه ياعمري : 2 كوب ماء دافي، 5 اكواب دقيق بر منخول ، ملعقتين زيت ، رشة ملح = اعجنيهم لين تصير عجينه مثل عجينة الفطاير او اقسى شوي ، وسويها كور صغيره كبر حبة الجوزيه وخليها ترتاح نص ساعه بعدين حطيها بآلة التورتيلا او آلة المطازيز اذا تعرفينها واضغطي عليها بقوه لين تطلع معك دوائر صغيره مفروده رقيق وحطيها بصينيه وخليها تنشف وبعد مرور 6 ساعات اقلبيها على الوجه الثاني عشان تنشف زين من الجهتين وبس .. ولا تنسيني من الدعاء .

الله يفرج همك وكربك انت وزوجك واهلك وعيالك يابهجة الحدايق.

هذي طريقة مطازيز حوطيه على كيف كيفك على طريقة الاولين

على طريقة امي الله يحفظها

المقادير لاهلي واحنا عايله كبيره ماشاء الله عددنا 9 اشخاص

2 كوب دقيق بر

ماء

ملعقة صغيره ملح

حطي المويه في زبديه ثم حطي عليه الدقيق والملح واعجني الين تكون العجينه ثقيله بحيث امكانك تكويرها

وخلس زسادة المويه معاك يعني اضيفي المويه بالتدريج

بعد العجن تكور كوره كبيره وتغطينها لمدة ساعه بعد كذا نقطع اللحمه والبصل والخضار تكون جزر وقرع وفاصوليا خضراء وكوسه وبطاطس قطع كبيره

بعدين خذي البصل والثوم واحمسيه في زيت عادي ثم حطي عليه بهارات وبعدين اللحمه والطماطم بعد ماتقلبين اللحمه طبعا الطماطم تكون حبه وحده معصوره
مع ملعقه ونص صلصه وملعقه صغيره كركم اذا تسبك مع اللحمه حطي عليه مويه مغليه في حدود اكثر من نصف القدر

ارجعي للعجينه خذي صحن كبير كوريها كور بحيث ان اذا فردتيها تكون بحجم كفك وماتكون لاسميكه ولا رقيقه طبعا افرديها على يدك

واذا فردتيها حطيها في القدر وحده وحده بس بشرط يكون القدر يغلي

بعد انتهاء الكميه حطي عليها الخضار وزيدي عليها البهار الكاري قصري على النار عشان مايحترق القدر لمدة ساعه ونصل الى ساعتين الاربع

وبالعافيه عليكم يابنت عمي << تميميه