ابغى غرفتي النوووم تكون فندقيه

سوي بحث في قوقل عن الفنادق وشوفي كيف الغرف وخذيلك كم فكره
بس الغالب الفنادق يسوون الغرف نااعمه وابجوراتهم برضو ناعمه واحيان تكون معلقه في جوانب السرير
وطبعا ماتنسي الكراسي الكنب والطاوله
والشباك الغالب يكون كبيييير وشرح
والارضيه مفروووشه بيج او شي فاتح

إذا بدك ستايل فندقي راعي تكون المفارش ناعمة تخلو نسبيا من النقشات وفواتح بشكل عام ... أباجورات على الجوانب

إذا كان عندك فراغ في الغرفة ضعي طاولة صغيرة مع كرسيين

للرفع

سبحان الله نفس خطتي من كثر مازوجي يعشق الفنادق قررت احول غرفة النوم فندقة حتى عاملة لنفسي لستة بالاشياء اللي لازم اسويها وبديت اشتري الاغراض بس لسة ما اشتريت كل المستلزمات خصوصا اني ما ابغى اخسر كثير على الغرفة
بقولك الخطوات اللي كتبتها لنفسي
1-ستارة ناعمة بس تمسك مساحة اعرض من مساحة الشباك الحقيقي عشان تعطي انطباع انه وراها شباك كبير زي شبابيك الفنادقاهم شي ما تكون دفشة ومليانة كلاكيع ستارة طايحة بدون موديل احلىىى شي


ستارة للسرير تكون من نفس قماش الستارة لو كان مشجر او اذا كان سادة تكون نفس لونه والحركة هذي هي اللي تعطي طابع فندقي



-

بالاضافة للقطعة اللي تنرمي على طرف السرير يسموها ثرو throw في ايكيا اشكال ناعمة وحلوة منها واسعارها معقولة
او تقدري تفصليها بكل بساطة عشان تطقمي

واذا كنتي تبغي تحافظي على طابع النعومةوالبساطة خلي الغرفة بدون زولية واللحاف سادة والثرو مشجر لون معاكس للحاف ومناسب للستارة والخداديات يعني لعبة الوان الشغلة عشان تصير متناسقة
-الابجورات مهم تختاريها بعناية
-جيبي بنش قدام السرير

خذي كمان من الغطية اللي تجي تحت اللحاف او فوقه على حسب الرغبة ولمن تثني اللحاف من فوق يظهر شكله حلو كمان




-مخدات تكون مريحة جدا ومنفوخة وخداديات مناسبة
في حال كان اللحاف سادة اختاري خداديات لون معاكس ومشجرة

والعكس صحيح لو اللحاف منقوش تكون الخداديات سادة

حطي ورا السرير لوحة تكون حلوة ويختلف شكلها على حسب انتي تبغي الغرفة طابع كلاسيكي ولا مودرن وسيمبل

او اذا ورا السرير ستارة وزعي كم برواز بطريقة حلوة على الجدران

الاضائة مهممممممممممممممممممممممممممممممممة اهم شي
خلي اضائات مخفية ركبيها على سقف الدولاب من النوع اللي ما يتسلك على الجدار لا اللمبات تتثبت على الدولاب وتتقوى وتتخفض من الجنب انا عاملاها لدولابي وصراحة اضائتها حلوة مرة تتوزع على مسافات يعني 4 او 5 لمبات تكفي ونوعها هو نفس النوع اللي يكون في دواليب المطبخ
النجفة الاساسية اهم شي تكون اضائتها غير حادة ومو بيضا يعني صفرا انسب شي

-واهم شي للغرف الفندقة جيبي دولاب للتلفزيون يكون ينقفل ويخفي التلفزيون ولجزي التحتاني جيبي فيه ثلاجة صغيرة كمان تكون جوة نفس الدولاب وثبتي باب الثلاجة مع باب الدولاب يصير اذا فتحتي الباب تنفتح الثلاجة

واذا غرفتك صغير استغني عن الدولاب وتقدري تجيبي طاولة صغيرة ناعمة وتحطي عليها التلفزيون