ابغى فلوسي الحين...

السلام عليكم ورحمة الله وبركاته





اعذروني ياحوائيات على العنون

أنا ما لي فلوس عند أحد والحمدلله

لكن حبيت اتكلم عن موضوع قاهرني ومنتشر كثيير


وهو

(المماطلة في قضاء الديون)

وخاصة لما تكون اللي تماطل في الدفع إنسانة مقتدرة

وكل ما طابتيها قالت كل هذا الازعاج عشان فلوس

كأنك تشحتي منها



وهذا يتكرر الموقف دائماً


وخاصة

عند الناس اللي يسووا جمعيات (مثل الموظفات يقطوا مبلغ معين وكل شهر تأخذه وحده)
تلقي الوحدة من هذي النوعية المماطلة تأخذها في الشهور الاولى
وبعدين تطفش اللي بعدها بالمبلغ كل يوم بكرة بكرة
وهذا الموقف صار لي أيام الفقر أيام مكافأة الجامعة اللهم لك الحمد
كرهتهم وكرهت الفلوس اللي تجي من وراهم لاني كنت آخر وحدة
بعضهم ماجابوها لي إلا بعد شهور يعني ما استفدت من الجمعية شيء




وحدة تكون عاملة لنفسها تجارة وتبيع تبي تترزق
ماسوت كذه إلا لانها محتاجة للفلوس
تجيك المماطلة وقت الشراء مافيه أحسن من أخلاقها
وبعد كذه شوفي كيف التحقير والتطنيش



ياحريم


الرسول صلى الله عليه وسلم يقول
(مطل الغني ظلم)
وانتبهوا ترى دعوة المظلوم ليس بينها وبين الله حجاب



يلا كل وحدة تماطل تتعوذ من الشيطان وتقوم تجهز المبلغ وتعطيه صاحبتها في أقرب وقت

وقال صلى الله عليه وسلم
"من كانت عنده مظلمة لأخيه من عرضه أومن شيء، فليتحلل منه اليوم قبل أن لا يكون دينار ولا درهم، إن كان له عمل صالح أخذ منه بقدر مظلمته، وإن لم يكن له حسنات، أخذ من سيئات صاحبه فحمل عليه"