ابغى كلام من واقع فقط الله يسعدكم

والله ياقلبي اذا الولد مايعيبه شي وســــــــــــالتوا عنه عدل في كل مكان في المسجد وفي عمله ومع اصحابه كيف تعامله
وشلون اهله طيبين ولا شررر واذا طلع الولد خلوق ومحترم ومايعيبه شي وافقي عليه ماهو ذنبه مسكين اذا ابوه يشرب
اهم شي الولد مش مثل ابووه توكلي على الله لكن سألوا عنه عدل واستخيري وتوكلي على الله
الله يكتبلك مافيه الخير
لاتنسيني من دعواتك في قيام الليل

يعني الابناء شي طبيعي يتأثروا بالآباء وعاداتهم السيئة 

والي ابوه مدمن ويحشش ويتعاطى مخدرات 
ولده يكون عنده قابلية اذا توافرت له ظروف الانحراف ان ينحرف مثل ابوه 

مثل التدخين عيال الاب المدخن 
تكون عندهم قابلية للضعف امام الدخان 

اذا توفرت لهم الفرصة 

لكل قاعدة إستثناء ،، لكن احنا نمشي على القاعدة وما نحط أمل كبير على الإستثناء 

وللتوضيح اكثر لك اختي 

فيه برنامج قديم كان يجي على الأم بي سي 
اسمه دكتور فِل 

ابوه مات بسبب الخمر كان مدمن 

واهو عرف ان الي صار الابوه احتمال كبير يصير له 

فعاهد نفسه ان ما يشرب قطرة خمر واحدة عشان ما يدمن عليه واهو عنده القابلية 

ونفس الشي بعض المشهورين والممثلين الاجانب 

يخافوون مرره ان يكون مصيرهم مثل آبائهم 


اذا متقدم لك شاب ابوه مدمن 
ارفضي ولا تدخلين هالمجازفة 

الاغلب ان من تتوفر لهم الفرص وعنده استعداد وراثي للانحراف ينحرف 
الا من رحم ربي

المسكرات والمخدرات والدخات وغيره تدخل في تركيبة جينات الفرد وتغيرها 

ويصبح الادمان مثل الوراثة .. تقريباً 

يقولون ان زوجي نفس اطباع ابوه وترتيبه الخامس ..
اما سؤالك الثاني يا اختي : ولا تزر وازرة وزر أخرى ..
اسألوا عن الخطيب اخلاقه ودينه واذا رضيتوه وافقي وين المشكله ؟
شرب الخمر والحشيش موب اطباع اذا خايفه ان الولد يورث هالشي من ابوه لا ابداً ما له دخل اذا كان كويس ويخاف ربه استخيري و توكلي على الله ..

اسأله صعبه بصراحه
مابقاه اتفلسف بس العرق دساس

حبيبتي عشان دعواتك الحلوه ذي
ابي اجاوبك بكل صراحه
الأبناء شي أكيد يتأثرون بابوهم
فيه شباب كثير زي ابوانهم زي أب يدخن يطلعون أولاده زيه مدخنين وإذا الأب مايصلي يطلعون أولاده ما يصلون الا من رحم ربي عشان كذا قال الرسول صلى الله عليه وسلم (تخيرو لنطفكم فان العرق دساس)
وإذا على السؤال الثاني :
اسأل الله ان يرزقك ويختار لك ابن الحلال الطيب التقي النقي ويبعد عنك الشر وأهله
ويرزقك باللي تفرحين بحسبه ونسبه وبقربك منه هو وأهله ،، يارب ،، ان الله على كل شي قدير
ويجعل لك من كل هم وغم فرجا ومخرجا