اختيmagicapple85
انا كنت زيك في بداية زواجي والسبب اننا ماتحملنا مسؤلية تنظيف وترتيب البيت كامل قبل كذا .
وكان كل شي متعبني..
لكن مع مرور الايام والسنين تتعودين علي كل شي ويكون طبيعي وساعة وانتي منتهية من تنظيف البيت
هذا اذا انتي شاطرة سنعة وما جبتي خدامة
لكن اذا تكاسلتي وجبتي خدامة راح تتعبين اذا راحت
ومن الافضل انك تخلين يوم من الاسبوع تسوين فيه كل اشغالك وتطلبين من زوجك غدا من برا حتي ما يشغلك المطبخ
انا الصراحة مخليتلي يوم الاحد غسيل والثلاثاء ما اطبخ انظيف البيت كله والكوي والحمد لله مرتاحة
اسفة علي الاطاله بس والله لاني حاسة فيك .

شوفي اختي حاولي تخلين لكم غرفه وحده تجلسون فيها

ويكون باقي البيت نظيف وتنظفينه مره بالاسبوع

بعدين لاتجمعين المواعين عليك يعني كل ما استخدمتي شي

اغسليه واستخدميه لا تطلعين غيره ولا تاجلين شغلك يعني اذا خلصتي من الغدا

نظفي المطبخ على طول وخليه مرتب

وخلي لك يوم بالاسبوع تغسلين فيه ملابسك

ويوم للكوي

والله يعينك ويوفقك

وانتي تشتغلين اكثري من التسبيح والتهليل صدقيني بتلاقين

نفسك تخلصين شغلك بدون ماتحسين

يعطيكم الف عافية خواتي الكريمات :بشاير الخير ، الطائفية ،ام عموري ،misonjeddah، ام نور وسرور وام الهيلان على مروركم الكريم وارائكم

انشالله بسوي الاشياء الي قلتو لي عليها وادعي لكم

الغرف اللي ما تجلسون فيها زي المجالس والحمامات اللي ما تستخدمونهاكلها بخريها وقفليها.. ومره بالسبوع او مرتين ادخليها ونفضي غبارها واكنسيها وبخريها مره تانيه واقفليها .. بس:24:

الله يعينا واياكم على هالترتيب


مرة قريت موضوع لأخت اسمها ليدي 2001 او 2002

عن الترتيب كان راااااائع .. ياليت ألقاه

..

وعموماً اللي متعودين على الترتيب من أصلهم ماشاءالله عليهم تلقينهم مايشيلون هم هالناحية

واللي ماتعود على الترتيب .. تلاقينه يواجه صعوبات وضغوط نفسية وحالة

من جد مشكلة !!

وانصحك :
- لاتنسين وصية نبينا محمد عليه أفضل الصلاة والتسليم كل ليلة ( تسبحين الله وتحمدينه وتكبرينه 33 مرة ) فهي تغنيك عن خادم

- الشي اللي ماتحبينه أبدأي فيه عشان ترتاحين

- وأنت تمشين ضفي أي شي قدامك شيلي أي غرض طايح .. عودي نفسك على كذا

- كل يوم نظفي شي واحد .. لاتضغطين على نفسك .. وبتلاقين نفسك خلال الأسبوع مرتبة شي كثير وبيتك صاير نظيف

- لاتتدققين بالتنظيف وتتطلبين الكمال .. هذا الشي أو الشعور يخليك ماترتبين ولا تسوين ولا شي .. لانك تأجلين التنظيف لوقت انت رايقة ووقت طويل عشان بتنظفين زين .. وتستمرين بالتسويف لحد مايجيك الهم
مثال : بترتبين غرفتك وهي حايسة مره .. تقولين : ابطلع كل شي وأمسح الغبار اللي تحت ووووو .. ويجيك احباط ولاتسوين شي

لا .. رتبي ترتيب سريع .. رتبي المفرش وعلقلي الملابس واكنسي الغرفة .. بترتاحين كثير , بعدين تقدرين تروقين على غرفتك وترتيبها ترتيب عميق .. فهمتي قصدي

والمطبخ _ كل مادخلتي المطبخ دخلي المواعين بسرعة , تعرفين كيف طرقتي بتدخيل المواعين .. عشان تسهل عليك الموضوع .. أجيب الصحون أجمعها مع بعض .. والكاسات مع بعض .. وكل شي يكون في درج أجمعه مع بعض والاقي السلة فاضية وبسرعه أدخل كل جهه مرة وحده , فهمتي قصدي

- الكنس .. الكنس له تأثير عجيب في البيت .. مثلاُ بيتك حايس وماتدرين وش تسوين وش تبدين فيه .. جيبي المكنسة
وانت بتضطرين ترتيبن كل شي على الأرض بعدين تكنسين .. بترتاحين كثيررررر حتى لو مانظفتيها كويس , لإن الكنس يعطي انطباع مريح بانك انجزت شي وبالتالي بتتشجعين على ترتيب الباقي

- الغسيل مشكلة إنك ماتقدرين تغسلين بسرعة , لكن انا مثلك انشرها داخل البيت وتنشف بسرعه , لاننا صيف وافتح الشبابيك وحاولي تكون عند جهة تدخلها الشمس , وفكرة الاخت lawsi ممتازه , اشتري اللي يتعلق عليه الكوي وعلقي الغسيل عليه ..

- أختي انا هذي مشكلتي عشان كذا حاسه فيك .. الله يارب يعينا ويرزقنا الاحتساب ويغنينا عن الشغالات بالصحه والعافية

قولي آمين


ولاتنسين البيت المرتب من غير تنظيف أفضل من البيت الغير مرتب والغير نظيف .. فلا نظافة بلا ترتيب

فاذا كان البيت دائما مرتب يكون التظيف سهل جداً

__

لاتنسين وانت في المطبخ شغلي شريط .. بيروح الوقت بدون ماتحسين وبتلاقين نفسك تنظفين كويس