ابغى مشورتكم 😌

السلام عليكم ورحمة الله
كيفكم حبيباتي
بأحاول اختصر .. مدري كيف المهم بأحاول😁
انا متزوجه من ١٨ سنه وعندي اربعه عيال .. واهل زوجي ناس طيبين ولله الحمد
عشت اول ثمان سنين في بيت أهل زوجي في غرفه صغيرونه وزوجي كان في الجيش ودائما مسافر 💔
المهم عشت معهم بنفس طيبه أم زوجي وأخته وكانوا سلفاتي اللي موظفات واللي تدرس .. وأنا اخدمهم والله باخلاص وتفاني وكأنهم أخواتي . وابديهم حتى على نفسي واراعي احتياجات الجميع
ماعمري فكرت أو تضايقت منهم ولا ليش اخدمهم ( مدري يمكن كنت صغيره وما أفكر🤔)
في السنوات الأخيره بدأت احسهم متغيرين علي كثييير .. وصاروا يتهربون مني .. وصرت اشوفهم يطلعون وانا وعيالي بالبيت ولا أدري عن شي .. ولافكرت أصلا .. وبدأ الموضوع يزيد لما أسمعهم يقطون كلام .. أو اشوفهم يضربون عيالي بقوه ومن دون رحمه ... وغيره كثييييير كثييير
أراد الله ويتقاعد زوجي تقاعد مبكر وطلعنا في بيت قديم لأبوه الله يرحمه .. وهنا زاادت الفجوه .. وصرت اشوفهم رسميين معاي بشكل كبير كأني غريبه عنهم
سواء بجمعاتهم مع بعضهم أو طلعاتهم للاسواق وغيره ولا علاقتهم مع بعض .. والله ما أحدسدهم ولا شي .. والله أحبهم ولا اتمنى لهم ألا الخير ..
لكن تغيرهم هذا علي خلاني في حيره
حتى أم زوجي وأخواته لماتجينا تقعد يومين بالكثير وتهرب
مع اني ماقصرت معهم في شي وشايلتهم على كفوف الراحه .. وعيالي محترمينهم
احيانا أقول عشان وضعنا المادي ضعيف وهم يحبون الطلعات والهدايا والاشياء هذي .. واحنا ماعندنا
من وين
اذا عفش بيتنا من أبوي الله يحفظه والراتب يادوب يغطي الاقساط
حتى زوجي صار يزعل من تصرفهم يقول ليش يحسسوني اني شين معهم .. ليتهم يعلموني ايش اللي يصير ... وعيالي يسألون ليش ماطلعنا ولا رحنا معهم
ايش أقول .. مااحد قالنا منهم ولا ايش ارد على عيالي

ما أبيهم يكرهون أهلهم .. مهما يصير .. مالهم غيرهم .. وكل شي ولا تفريق الاخوان
شوروا علي حبيباتي ..

هل اسأل عمتي عن ليش تغيروا .. ولا ايش اسوي
محتاره والله .. قلت يمكن أحد منكم لها نظره ثانيه للموضوع انا ماكنت منتبهه لها ..
محتاره 😔
لا أحد يقول لي طنشيهم .. ولاتعطينهم اكبر من حجمهم .. مااحب هالشي .. هذولا أهل عيالي .. واهل زوجي وبيننا عشره ماتتنسي