ابغى مشورتكم الله يجزاكم خير

السلام عليكم والرحمة حبيت افضفضلكم شوي من الهم اللي انا فيه وأخذ رأيكم لاني بجد محتاره لي سنتين متزوجه و8 شهور تزوجته رغبه في أهلي وقضيت أسبوع عسل مو شهر زي البنات ورجعت لأهلي لأن كان عنده بعثه وسافر لحاله وانا قعدت عند أهلي لمده سته شهور وجاء أخذني بعد مااصريت عليه ومن وقتها عرفت من حق مسؤوليه شنطي مو راضي يشحنها يقول تبغين ادفعي وبعت الذهب اللي جاني هديه وسافرت وكلي هم وضليت شهر وحملت بعدها وأول ماحملت صار يهددني بالطلاق ياانزل اللي في بطني يايطلق ورماني في المستشفى لحالي في الغربه وماعندي لغه والعن معامله ومافي مراجعات وقلت خلاص سفرني لأهلي وسفرني لحالي عندهم وضليت عندهم لين جبت ويوم جبت ماجاء يشوفها وقعدت عند أهلي لين كملت 5 شهور وجاء من برا وسبحانه ربي من ظلمه لي ربي ماوفقه راح برا ع الفاضي لا جاب الدرجه ولاجاب الشهاده ومن رجع ليته مارجع كرهني الحياه مايبغى يستأجر ولاشي عنده استراحه عباره عن صندقه يقول نقعد فيها وانا رفضت لأنه مقتدر ومعيد وراتبه حلو ورفض يستأجر أبوي يتكلم معه ويحلف لابوي انه مو مقتدر وماعنده فلوس وهو كذاب ملتحي وكذاب وضليت عند أهلي وراح استأجر شقه مفروشه وجلست معه ويخليني ويروح استراحته عشان يقهرني ولا يبغى أهلي يجوني ويتكلم عليهم ويسبهم ورجعت لأهلي لأنه مايبغى يقعد معي بالشقه ولايصرف ورجع مره ثانيه واستاجر شقه ثانيه مفروشه ماقعدت معه الا أسبوع وحملت وليتني ماحملت مايجيب شي بالشقه وحياه تجيب المرض هو في شقه وانا في شقه مايبغى يسمع صوت بنته ويوم حملت قال تنزلين الجنين والا مااعترف فيه وجاب الحبوب ووقتها خليت أبوي يجي ياخذني مااقدر أعيش معه وارسلي بعد مانزلت الجنين انتي طالق وشر وانتهى من حياتي ومن بعدها مايجي يسأل عن بنته حتى وهي تعبانه مايبغى يؤديها ولايجي يشوفها وجاء بالعيد واسمعه من عند الباب يوم بنته دخلت عليه مايبغى يشيلها وابوه يقول شيلها يقول مايبغى ورفض يطلع صك لين اروح مكتب الارشاد عاد مادري وش دخل مكتب الارشاد وابوي قال غصب عنك تروحين وحطيت رقم طليقي حظر عشان مايوصل لابوي والحين مادري وش اسوي وضغوطات من أهلي عشان ارجعله عشان بنتي وانا عارفه مامنه فائده ابغى اعرف اللي راحت مركز الارشاد وش قالو لها وابغى منكم تدعولي اللي فيه خير لي وتنصحوني وش اسوي ذي قصتي بالكامل وله من طلقني خمس شهور يعني ماعاد احلله بس يقول أنا طلقتها وهي حامل والا لا واهلي مايدرون عن حملي ولا عن اجهاضي ومحتاره شسوي