الله يسهل عليك عندك نت ادخلي وشوفي شلي يناسب اطبخي منه

حلوه الأطباق الي اخترتيها بس ضيفي شوربه .. وممكن اصابع سبرينغ رول .. هذي اشياء خفيفه بتملي لك السفره مع الاطباق الي اخترتيها وماتاخذ وقت بالطبخ

حلو اللي اخترتيه

او سوي شوربة
(فطرأو شوفان - ) او شوربة العدس الجاهزة من كنور لذيذة وسريعه تطبخينها 10 دقايق فقط

سلطة
( سيزر - او سلطة الحبوب سريعه)

مثل ماذكرتي صينية رز
او مكرونه باشميل
او صينية توست بلحم مفروم وفوقها خلطة

يكفي واذا تبين زيادة ضيفي مقالي
سبرينغ رول او كبة

واذا تبين المقادير راسليني واقول لك الطريقه بس على الخاص بلغيني لاني مارجع للمواضيع حبيبتي
وانا اكتب لك اياها هنا

الله يسلمكم ويووفقكم ماقصرتوا
بس ابي سلطه تصلح مع صينيه الرز وتكون سهله
واللي عندهاطريقه تشيزكيك بدون جلاتين تحطهالي

هلا أختي فيه سلطات سهلة متل سلطة المكرونة تسلقين مكرونة وبعدين صفيها من الماء وضيفي عليها ذرة وزيتون شرايح اسود واخضر وفاصوليا حمرا وبعدين تبليها بشوي ملح وعصير ليمون واخلطي ملعقتين زبادي وثلاث ملاعق مايونيز واخلطيهن مع السلطة 
أو سلطة الاندومي نفس سلطة المكرونة بس احذفي المكرونة وحطي اندومي وتقدرين تزينينه ببقدونس مقطع أو خس


أما التشز كيك الطبقة الأولى بسكوت مطحون وزبدة 
والطبقة الثانية فيه عدة خيارات 
ممكن قشطة خفق وجبنة فيلادلفيا ودريم ويب وفنجان سكر وتخفقين لين يتجانسن وتصبينهن على الطبقة الأولى وتحطينهن بالفريزر ثلاث ساعات  
ميزتها إنها سهلة وتضبط بس ترى مقاديرها غالية وإذا طولت برى الثلاجة تسيح
طريقة ثانية علبة زبادي فنجان سكر سبع ملاعق كبار حليب بودرة وتخلط وتصب فوق الطبقة الأولى وتدخل بالفرن ربع ساعة من تحت أو نصف ساعة ولما تجمد خليها تبرد وبعدين دخليها الثلاجة

الطبقة الثالثة عندك ببندة والعثيم وكذا فيه حشوة تلقين مكتوب عليه التوت الأزرق حشوة تورتة   أنا اخذ ماركة فرشلي مرة ممتاز
أو طبقة سنيكرس ذوبي خمس ست سنكرس وربع زبدة بالميكرويف ثلاثين ثانية بعدين ضيفي علبة قشطة وحركيها ثم ضيفيها على الطبقة الثانية ودخليها الثلاجة وبس