ابغى مشورتكم مع سلفتي

بنات كل وحده تعتبرني اخت لها وترد علي والا تحط نفسها مكاني
انا اول ماتزوج كنت مبسوطه وفرحانه باهل زوجي كلهم وكانت والله العظيم نيتي صافيه وماعندي من الحقد والغيره والا الكره اللي يصير بين السلفات واهل الزوج
المهم ماعندي غير سلفه وحده والثانيه خارج البلد

بعد زواجي بشهرين وبوقد العيد كنت عند اهل زوجي وعندهم سلفتي قالت لام زوجي ياعمتي انتي وبناتك معزومات ع العشى بكره عندي في البيت طبعاً قالت للبنات وحده وحده بذكر الاسماء
وانا ولا التفتت لي ابداً همشتني
بصراحه انصدمت وسكتت لاني ماتوقعت منها
مره ثانيه نفس الموقف تكرر تعزم الموجودات وانا تهمشني
مره ثالثه ما كان موجود غير انا واخت زوجي عزمت اخت زوجي لحفله عندها وانا لا
اذا عملو عزايم زوجها يعزم زوجي اخوه وهي تعزم جميع نسوان العيله باستثناء انا
اول شرهت عليها وتحسست مره من موقفها
وبعدين طنشت ولا اهتم
بولاداتي اجيب ولا تزور ولا شي

بعكس تصرفها مع سلفتي الثاني

عادي عندي صرت اتحاشاها ولا ازورها


زارتني وحده من قريباتها وقالت امس كنت عند سلفتك وكان عندها حفله وماخلت احد ليش ماجيتي
قلت ما تعزمني ابدا من زواجي وذكرت لها المواقف كلها
بعد فتره جتني تقول سالت سلفتك تخيلي وش السبب قلت ايش قالت خايفه على زوجها لا يزوجونه اختك
انا انصدمت قلت معقوله اختي مستحيل تتزوج رجل متزوج قالت لان زوجها صديق لابوي

بعد زواج اختي صارت تبي تتقرب لي وتعزمني
انا ماني قادره انسى استحقارها لي ابداً
مو حقد لها
لا لاني عارفه نفسي نيتي سليمه وقلبي طيب من ناحيتها
لكن احزن على نفسي بذاك الوقت كيف مستحقرتني
وانا مريت بضروف نفسيه كنت ابي جمعة الناس وقربهم
الحين الله عوضني واغناني
لاكن ماني ناسيه موقفها
الحين تبيني ازورها وتعزمني وتبي ندخل مع بعض بس انا اطنش ولا اعطيها وجه ابداً



اذا كنتي مكاني ايش راح يكون موقفك ؟؟؟؟؟