ابغى مشورتكم يالليت محد يبخل علي ولو بدعوه

أكتب لكم معاناتي هذي مع ابني اللي كمل اربع شهور و دخل الشهر الخامس
انا ما اعترض و لا شي بس ابغى اشوف هل حالته هذي طبيعيه او لا
ولدته و كان وزنه 3.5 كيلو جرام و كان عادي جدا ولدته الفجر و جاء المغرب و بدا وقت الزياره وجوني اهلي و اهل زوجي المهم كلهم يناظرونه و يقولون كبير و دبدوب و شعره يجنن و من هالكلام و الله ولدي ما امسى هذاك اليوم مغير يصايح و بقوه و من بكره طلعت من المستشفى الا ترتفع حرارته و اعطيته خافض و ما انخفضت وصلت 40 و رجعته المستشفى و اتنوم 6 ايام المشكله كل تحاليله سليمه كيف جته الحراره الدكاتره مستغربين لدرجه خذو منه ابره الظهر كم مره
طلعت من المستشفى ورحت لاهلي و تبتدي معاناة الصياح من جديد تخيلوا ما ينوم 5 او 6 ساعات باليوم كله طول وقته صياح مع اني مشبعته و مغيره البامبرز و مسويه كل شغلات تخفيفي الماغص قلت فترة الاربعين و بيهدا المشكله انو الى الان نومه قليل جدا و بكاه كثير و جاه اكزيما اطفال بعد ولادته بـ 20 يوم
الاكزيما خفت كثير و انا مهتمه فيه كثير العبه و ما اخليه يجوع و انتبه للبامبرز و ما اخليه يلعب بوجهه أو يحك الاكزيما او راسه و مع كذا الاكزيما قويه و حلقت شعره و الحمد لله خفت الحين ممكن باقي 10 % منها بس
و مشاء الله الولد ابيض لدرجه كل من شافه يستغرب من بياضه حتى وحده من زوجات اخواني تقول كأنه لمبه " أعوذ بالله منها " و حتى شعره ياقلبي عليه كلهم يمدحون فيه و صحته زينه دايم اخواني يقولون شتوكلينه هذا اكبر مولود نشوفه اقول قولو مشاء الله يسفهوني يقول وش نبي ننظله

انا ابغى اسألكم هل ممكن تكون حاله ولدي و صياحه و غلقته و قله نومه و الاكزيما اللي فيه عين او ممكن تكون عادي وتكون عند الاطفال كلهم لانو هو اول مولود لي بس انا اول مره اشوف مثل حالته انا متعوده على اخواني الصغار و عيال اخواني و خواتي ما قد شفت مثله

و كيف اعرف انه عين مع اني بالغالب اقرا عليه الاذكار من يوم طلعت من الاربعين بس من قبل كنت تعبانه و محد نبهني اقرا عليه

و انا دائما اشوف احلام مزعجه و حشرات و قعران و ناس تاخذه مني
مدري انا موسوسه او لا مع اني ما انوم الا قاريه اذكار النوم
و اذا هي عين كيف اتصرف و هل في ايات خاصه اقراها و بعدين اتحلم في اللي عاينه او ايش تكفون لا تخيبون املي فيكم ياخواتي و لكم مني دعوه بظهر الغيب