ابغى ناس حكيمة تشاركني رايها

انا بكتب شيء ماقلته ابد عن مشكلة مع زوجي وهي من بداية زواجنا ومرة تضايقني…ومدري هو شيء طبيعي في الزواج هالشيء ولا انا اعاني من انسان مدري كيف يعني حتى اذا الثلاجة فيها شوي غبرة يجي يهاوشني.
المهم عندي زوجي مايبغى اجلس مرتاحة ابد اذا شافني جالسة يقول بدل ماسويتي هذا وهذا وهذا ومايخلص حتى لو كنت تو نظفت البيت وتوي جلست لكن هو تو يشوفني ومايدري المهم يعني حتى اذا بيطلع لو راح مشوار يكلفني بهمة تنظيف يحسسني عاملة عنده واذا شفت تلفزيون يقعد يهدر يقول هذا المسلسلات تعلم الناس كيف يتشاجرو مع ازواجهم وهذا اسباب الطلاق واذا جلست ع جوالي بعد مشكلة ..حتى لو الجلسة الطبيعة زي اشيك ع الرسايل وكذا
حتى لو تعبانه مافي أحساس مرة اخذت حبوب وصفها لي الدكتور وقال له انه تحتاج راحة طويلة لما تاخذها وماشفت الا تو كنت نمت صحاني ابغى فطور بروح الدوام وكنت اسوي له فطور جاني دوخة وطحت يعني مدري كيف لمتى يحسسني اني عاملة انا اعرف مسؤليتي ولكن مايبغى حتى اقوله كذا يعني اسمع وانفذ والا يقوم الدنيا.
يعني انا بصراحة زوجي مافي يوم والنا خمس لا ست سنوات كل يوم فيه تجادلنا انا في حالي بس هو شكله متعود ع كذا لازم احس يتجادل والا مايرتاح ومدري كانه لهالسبب كان مطلقينه بسبب النكد.
يعني لتطلعات لاسفريات لاجلس ع جوالي لاتلفزيون لاجمعة مع البنات ولامصروف حتى احيانا اصرف من اهلي ومدري كيف هالرجال ويمشي ع راي اخته في كل شي يعني ماكاني انا موجودة فحياته والارايي مهم هي وش قالت ونسوي ومايقول ان هذا اخته انا اكون مثلا عرفت انه رايها من جلستي معها وقالت كذا وكذا لازم بعدين نسويه حتى لو كان متفق معاي قبل ع رايي ولاحول ولا قوة الا بالله