ابغى نصايحكم ...ابسكن بيت جديد .. وابغى ريحته كلها تفوح بالزين

مرحبا الف مبروك عالسكن الجديد وعساه منزل مبارك عليج بصراحه اللي اقدر اقوله لج استخدمي مساحيق تنظيف ذات رائحه قويه للسيراميك اما الكبتات فيوجد اكياس معطره تعلق داخلهم وكذلك اوراق معطره توضع تحت الملابس داخل الكبت كذلك ممكن تستخدمين مكعبات المسك بين الملابس تعطي رائحه قويه , بالنسبه للبيت لا تنسين البخور دائما والشموع المعطره خاصه بنكهات الفواكه مميزه جدا بقوة رائحتها وانا انصحك بالفواحه جدا رائعه وتملي البيت روائح زكيه استخدمي الفواحات الكبيرة الحجم ولاتنسي الحمامات فهناك انواع كثيره للمعطرات الخاصه للحمام ولمختلف الاماكن بالحمام وهذا كل اللي عندي والله يهنيج انشاء الله .

نسيت اقولج رش الخلطات العطريه قبل البخور تثبته وانشري الورد المجفف العطري في جميع انحاء البيت وانا قريت في المنتدى ان رش الليتات بالليل وهم طافين بالعطور تثبت الريحه وتنشرها بالبيت لما تولعينعهم بالنهار بس ما جربتها وبعد اذا عندج سجاد حطي البودره المعطره في الكيس الخلفي للمكنسه الكهربائيه ولما تشغليها تنشر الريحه بالمكان وهم ما جربتها ارجو اني افدتج ولو بالقليل وسامحيني على القصور.

وازيد على كلام الاخت مرت ساير طريقة وحده من البنات الله يجزاها الخير جربتها وخلت مجلسي تفوح منه ريحة العطر يومين ،،،،خذي بيكربونات الصودا وحطي عليها عطر من عطورات الفواحه انا استخدمت نبتون من زهور الريف واخلطيهم بعلبه وخليهم ربع ساعه تقريبا بعدين انثري بيكربونات الصودا المعطره على موكيتك او سجادتك وخليه خمس دقايق ثم أكنسيه عادي بالمكنسه
ريحه جنااااااان

السلام عليكم

منزل مبارك - ويعل كل من فيه يتبارك

اهم شي شغلي جهاز تسجيل فيه سورة البقرة

وآل عمران وخلي الشياطين ( بره )

واقري آيات الرقيه وانفثي في الهوا

وكذلك آية الكرسي

واكثري من الحمد والشكر ( لئن شكرتم لأزيدنكم)

وبالشكر تزيد النعم

واعزمي على ترك المعاصي في هذا البيت الجديد حتى تنالي البركه

____________

اما بالنسبه لتعطير الدولاب

فانا اصنع مرشوش خاص فيني واخليه ثقيل

وهو عباره ماء ورد مضاف له دهن ورد ( ابو نخله) ودهن عود ( اللي ينباع عشر تولات مع بعض)

واضيف صندل واحيانا احط من كلونيتي المفضله

واتركه كم يوم تطلع ريحته احسن

وبعدين افتح الدولاب وارش الملابس

وبعدين احط المبخر

بهالطريقه بتجلب ريحة البخور في الملابس

لمدة لا تقل عن اسبوع

وانتي كرري هالطريقة

كل جم يوم

(( وادعي لي))

بالنسبه للبيت

في بخاخ اتوماتيك من ماركة اير ويك

اول ما نزلت بيتي الجديد

كنت دايما ما استغني عنه

وهذي صورته

http://www.airwick.co.uk/product_page/images/freshmatic.jpg

وبالنسبه لتعطير البيت

دايما خلي عندك عطور رخيصه بخي منها على السجاد والأثاث

واشتري معمول زين مو عادي

وبخري منه يوميا

وتعرفين المبخر اللي يسمونه الفواحه ؟؟

اللي هو عباره عن مبخر يستخدمونه في ( اروما ثرابي) العلاج بالزيوت العطريه

اهم شي تختارين الطيب المناسب والحلو

وتحطين ماء بالمبخر وقطرات من الطيب فقط

انتبهي لا تحطين الطيب مباشرة لأنه بهالطريقة بيحترق

وتصير الريحه سيئة ومؤذيه

حطي ماي وبعدين نقاط من الطيب

وبتلاحظين ان ريحة بيتج يا سلااااااااااام تدووووووخ من حلاها

مع تمنيانتي لك ببيت هادئ وسعيد وتفوح منه رائحة السعاده والطيب

والله يحفظكم من كل سوووء

-