السلام عليكم بنات
انا عضوه جديده سجلت عشان ادردش معكم ونستفيد من بعض 💕
انا متزوجه صار لي 6 شهور وللأسف احسها 6 سنوات
زوجي عجزت افهم له من بداية زواجنا اروح لاهلي عادي انام يوم يومين مافي مشكله ودايم بالاستراحه واذا دخل البيت حط راسه على الجوال لين يدوخ ويدخل ينام مرات يقول يلا نامي معي ولاغلب يسحب علي
ومشغول عني مره يعني صار يبني من ثاني شهر وعمال ودين وانا مقصر بحقي مره
وبالعربي الكلام الزين ماسمعه الا وقت الفراش والفراش معليش عالصراحه بعد ماهو كل يوم ماقولكم اني انا ابي لاكن اللي اعرف ان الزوج اللي يبي زوجته كل يوم يجيها خصوصا اننا بداية زواج
احس اني قطعت اثاث صراحه مره مهملني وافاتحه بالموضوع مره ماهو فارق معه لايطلعني ولا يوديني ولا يجلس معي زي الناس والفراش عادي ناخذ ٤ او ٥ ايام
ولا انا من النوع اللي احن عليه والا اطلبه ولا اتحلطم واقسم بالله ارحمه زي مارحم ابوي حتى فلوس ماطلبه الا اذا هو مد والطلعه المح له عشان ماضايقه وفاهم بس ماهي فارقه معه
اخيرا
انا الحمدلله مهتمه بنفسي وبنظافتي وطبخي وريحة البيت وهدؤي ومن كلامه حتى بالفراش مافي اي مشاكل وجسمي حلو وشكلي حلو ودايم مبتسمه بوجه (( طبعاً هذا كله من كلامه ))
ساعدوني واعطوني نصائح وش يبغى الرجال بالضبط وكيف ممكن يتغير وكيف اتعامل معه ووش مشكلته لاني اشوف كلام غير وفعل غير
نوف ££ @nof_psps
عضوة نشيطة
يلزم عليك تسجيل الدخول أولًا لكتابة تعليق.
البرنسيسه حوا
•
الله يسخره لك ويرده لك ردا جميلا
نوف ££
•
واضيف عالكلام بدت تخف مشاعري تجاهه وماصرت اتلهف عليه ولا اشتاق له ولا حتى صرت اتحمس اتكشخ لانه كله ماينفع ساععددوووننيي ولكم خالص الدعاء
noof999
•
حبيبتي لساتك عروس واحس زوجك طبيعي مافي مشكله ممكن لسى ماتعود ع حياه الزوجيه او شايل هم القروض
الله ييسر امرك
الله ييسر امرك
الصفحة الأخيرة