ابغى نصيحه من العاقلات علاقتي!!

السلام عليكم
بحاول اتكلم بكل صراحه
وماجت هنا الا ابي النصيحه
وكل وحده تحط نفسها بمكاني
قبل سنتين
تعرفت صدفه على شخص عبر التويتر
بالبدايه كانت صداقه ٨٠ بالميه كنت
اشك مجرد شك انه يتحول لحب
كل يوم يكلمني يسولف لي بالساعات
عن طريق المحادثات عمره ماصار
بيني وبينه مكالمات الا ممكن مقطع
صوت ع اساس بيتاكد اني بنت
مو واحد من اخوياه يطقطق عليه
بالبدايه اول اربع شهور اعترف
لي اني احبك
وتعلقت فيك ومستحيل يمر يوم ماكلمتك
طنشت وقلت ابد انا مامون بالحب بهالطريقه ترا وضعك بالبيبي والسناب
عندي نفس التويتر مجرد عدد
صار يتعمق بالسوالف معي عن اهله
وحسيت اني حفظت اهله يسولف لي
عنهم ويشكي احيانا بصراحه بعد ممكن٨ شهور انا اللي تعلقت فيه واذا غاب فقدته
هو اعتبرني ماراح اقول صديقه اعتبرني
صديق يقولي اشياء عن مشاكله عن دوامه
مايقولها لاهله صار للاسف لما حبيته جد
يقولي اشياء كونه صريح انه له علاقات ومقابلات وشاف انواع واشكال يقول والله لو اقولك قد ايش قابلت بنات هنا وبرا بالامارات والمغرب تنصدمي وواضح عنده خبره بحركات البنات ويعرف الجمال الصح
لدرجه يوصف كل بنت الممكله وصف جد جد قريب لها يقول من كثر ماقابلت منهم
مانكر بالبدايه حاول يحتك فيني اول شهرين
كان يمثل دور الحبيب واني ابي اقابلك بكوفي
وكنت ارفض واضحك عليه اقول تخيل بس
ويجي يسب ويقول متخلفه ويقول وش بسوي
فيك بكوفي يعني بغتصبك اكثر من ١٠ مرات
كان يطلب يقابلني لما فقد الامل صار يتعامل
معي كدصديق بس حتى مو صديقه
كان يقولي انا يعجبني زي جمال
حليمه ونصره الحربي ولما اقوله
ترا كلمهم تجميل بس لاعبين عليكم
يقو على الاقل حتى لو تجميل طلعو
حلوين مو مثل اللي عندنا بالسعوديه
نشوف يقول الواحد يتعرف بيقابل وينصدم
بالشكل قرود موب بنات انا طنشت
يجي يقولي اوصفي لي شكلك شينه صح؟؟
قلت ايوه شينه وش عندك ؟؟
عرفت طبعه وطبعه اخوياه خلال السنتين
هاذي كلهم حقين بنات ونصهم متزوجين بعد
وسفرات وتسلط واستقواء ع البنت مثلا مره قلت له متى بتتعدل وشلون بعد لو تزوجت بنت
وكشفت ان لك علاقات قال واذا كشفت؟؟
مو عاجبها تطس اطلقها وتصير مطلقه
مستعمله ولا احد يبيها اما انا اقدر اخذ ٤ ابكار قلت هذاك زمان الطلاق كبير الحين الطلاق شي عادي وياكثر الي تطلقو واخدو احسن قال والله ماتدرين عن شي الطلاق الى الحين كبير بس انتم مستسهلينه
يعني يبغون يخونو يسافرو ويايىلك تقولي بتطلق
المهم انه نقل منطقه لدوامه بعيده عن اهله
قالي الله يعين بس احسن شي بمنطقتي
اقدر اخذ مسيار سوريه او مغربيه
لين تسلك اموري واكتشفت والله اعلم انهم وهو واللي معه اذا سافرو يتزوجون زواج ابو يومين ع كلامه يقول الحين اذا سافرو شباب يتزوج اي وحده يومين ولا يروح لنايت كلوب وغيره المهم خلال فتره بسيطه
طلبني طلب ماكنت اتوقعه
قالي بتقدم لك وانا صادق عطيني رقم امك
امي بتكلمها اني قايلها خويي ذاكرهم لي
وكلام كثير كثير
انا مانكر اني جد حبيته
لكن لما صارت صديقتي بكلام وبحبه للبنات
ويعرف الجمال ومو اي احد يقنعه
قالت لي نصيحه لا لا بتتعبين معاه
حتى لو يحبك حتى لو ايش ماكان لابد
يحن لماضيه ويرجع وابو طبع مايترك طبعه
مانكر ان كلامه لما بديت احبه
صار يجرح ويضايق اذا جلس يتكلم عن
البنات وانه يقدر يعرف الجمال و و
وانه شاف وتعرف قسم كنت انقهر واتضايق
وشلون لو رضيت وصدق صار يسوي هالحركات بعدين سوالي لكل بنت انا قلت له وصارحته انا مو ملكة جمال مثل اللي
تتكلم لي عنهم قال مايهمني قلت ومستحيل
ارضى بواحد حق علاقات قال كل الرجال لهم ماضي ولهم تجارب وعلى الاقل
انا صارحتك غيري ماراح يصارحك وبتاخذسنه على عماك وتنصدمين انا مانكر اني حبيته لكن اذا تذكرت سوالفه عن البنات اتضايق واقول مستحيل يعقل وهو كان كذا
للعلم عمره ماشاف شكلي ولا يدري كيف