ابغى نصيحه من كل اخت فيكم

السلام عليكم ورحمة الله
خواتي يعلم الله لكم معزه عندي ..واحب اسمع نصايحكم وافيدكم واستفيد منكم ..
حابه اطرح موضوعي وابغى كل وحده تعطيني رايها وتحط نفسها محلي قبل ماتكتب النصيحه ..
انا متزوجه واهلي بديره وانا بديره وماعندي بهالديره الا اهل زوجي ومن تزوجت وانا معتبرتهم اهلي زي امي واخواتي بالمعامله ولا شفت منهم شي ولا هم شافوا مني شي .. ومعي بالعماره سلفتي تصير بنت عمهم متزوجه اخو زوجي الاوسط ..
مرت 5 سنوات من زواجي وانا عايشه بسلام الحمدلله وفي يوم إلا اللي تصير سلفتي ساكنه بالعماره معي تدق علي وتتشكى من اهل زوجي وتقول عنهم كلام ماينقال وتحقد قلبي عليهم وانا اسمع واسكتت ومره تقولي يدخلون بيتي وياخذون اغراضي اللي بالمطبخ وانا مو فيه عاد قلت عادي حتى انا يدخلون وياخذون بيت ولدهم ..ومره تدق تبكي تقول سمعت خوات زوجها بيزوجون زوجها عليها وانا اهديها واقول مستحيل يعني انا راحمتها واحزن عليها لدرجه يومها برمضان اذا هي تعبت انا اشيله عنها ..وسوالف كثثير والصراحه كنت على نيتي مرااااا .. بعدها الحرمه قلبت علي وطلعت لاهل زوجي تقول اسمعوا نسيم وششش تقول فيكم وعنكم وانتم محترمينها وشايلينها على روسكم وووو شي ينحكى وشي ماينحكى .. العالم بعدها تغيرت علي جدااااا صرت من ادخل كاني عزرائييل يهجون ويقومون عني .. بعدها انطويت على نفسي وصرت ابكي واسال وش فيهم العالم محد يرد علي حتى سلفتي دقيت عليها سالتها تقول مدري عنهم هذا هم عندك روحي اساليهم وقفلت .. بعدها جاء زوجي وسمعني كلام ان خواته يقولونه عني والله انهرت وليت كله صح او زي مانطقته انا لييييت ..تعبت نفسياً صرت منبوذه انا وعيالي
وفي يوم وهم متجمعين خوات زوجي طلعت لهم وحاولت افتح الموضوع واواجههم هم وسلفتي رفضوا وقالوا قفلنا الموضوع قلت وحقي قالوا مافي حق هاذي بنت عمنا مانرضى عليها وانا عشان غريبه محد اعترف لي بشي ..اخذت على خاطري ورحت بيتي .. الى الان والقلوب مو نظيفه الى الان وانا منبوذه انا وعيالي مع اني اذا طبخت ارسلت لهم حتى حلا ارسل لهم واسلم اذا شفت احد بالدرج وامه وابوه احبهم ولاقطعتهم اسلم عليهم دايم .. بس خوات زوجي ابدا مو طايقيني ولا عيالي بسبب كلام ..ولا يسلمون علي
تكلمت مع سلفتي الكبيره قالت هي اصلاً غيرانه منك وتسبك وتقول الله واكبر طاروا بنسيم الكذوبه وانا نسوني مع انها ماتشاركههم لابطلعات ولامناسبات دايم عنداهلها.. انا وششش غلطت فيه مدري ليش تحب تطلعني بصفه شينه لليوم مدري .. 4 سنوات وقطاعه لانتجمع ولا نسلم على بعض جيتها برمضان اللي فات ومعايا هدايا قلت اللي فات مات واذا انا غلطت بحقك قوليلي قالت مافي منك غلط وانا مو شايله عليك جاء العيد الحرمه رفضت تدخل بيتي وماتبغى تعايدني ولا تسلم ماني عارفه اش فيها ..
قهرني زوجي كل ماتكلم قال اهلي اعرفوك على حقيقتك عشان كذا تجنبوك ...
تعبتتتتتتت يااااناس انا منبوذه وعيالي يحزنون يسمعون اصوات الاطفال بالجمعات عند جدتهم بس محد يبغاهم ..وانا لا اهل وقطعتني من الناس فيني ضيقه ..
ليش سوت كذا قطعتني من اهل زوجي وحقدتهم عليا واناا لااخرج كثير ولا اقدر اروح لاهلي دايم ..وهيا ماشاءالله كل ويكند عند اهلها وبيتهم بجنبنا ... ليش حسدتني ياربي احس فيني ضييقه ..
((بعد المشكله اللي سوت سلفتي جاتني ام زوجي بعدها بسنه وكنا نتكلم قالت المشكله اذا حطوا بالواحد عيوب مهي فيه والناس صدقتها وسكتتت )) ودي ناقشتها بس هي مابيدها شي طييبه كل شي عند بناتها ..


الحين ابغى مشورتكم اتم زي ماااا انا بالقطاعه او وش اسويي ...