ابغى وحده عاقلة حكيمه تحكم بيني وبين زوجي.. لاتحرضوني اكثر مو ناقصه هم

زوجي اهاني بكلام جارح لسبب تافه
انا بكيت وسكت وجلست يومين ببيتي
لقيته مو معبرني ابدا
قلت له ابغى اروح لاهلي.. اخذني عندهم
جلست 3 ايام ولا سأل عني
ولما اتصل سأل عن بنته..
قلت له وانا مالي خاطر عندك؟ بدلع
لكن هو انفعل وانا وقتها عصبت
وشدينا بالكلام
انا من قهري قفلت الخط بوجهه
وهو هالحركه تزعله جدا
بعدها حاولت اكلمه قفل الخط بوجهي
ارسلت له مسج اهدي النفوس بينا
مارد علي
مر يوم.. يومين
كلمته بعدها قلت له تجي تاخذنا؟
قال اوكي بجيكم بالليل
رجعت البيت وانا سااااكته
وهو سااااكت
انا قايمه بكل واجباتي بدون ولا كلمه
حتى ما ادري متى جاء ومتى راح
لكن عادي اضحك واسولف مع بنتي
وهو مكشر 24ساعه وساكت
مرينا على هالحال اسبوع كامل
انا بديت امل من طول الخلاف
كنت متعشمه يراضيني او ياخذ بخاطري
لقيته مو سأل فيني
قلت لنفسي خلاص الدنيا ماتسوى
لكن مستحيل اتعذر وابرر وانا اللي مغلوط علي
ولما جاء من الدوام دخل وضميته وهو ضمني
وتكلمنا عادي مع بعض وسولفنا شوي
وبعد المغرب جاب اغراض للبيت
وجاب معها شوكلاته انا مررره احبه
ابتسمت وقلت له تسلم لي حبيبي.. مارد
وفجأه بسم الله رجع لنفس التكشيره
ورجع ياكل لحاله ويسهر لحاله وطنشني
حتى عالسرير عطاني ظهره ونام
هذي حركته اذا صار زعلان
واليوم الصبح صحيت بدري وعملت الفطور
قال مالي نفس وطلع وتركني
باختصار رجع لحاله الزعل والنكد
انا كنت حابه نطوي اللي صار بدون نقاش وعتب
لكن اتوقع هو بباله شي ثاني

انا افكر الان ارجع اسحب عليه
يعني اذا رجع من الدوام اسلم من بعيد وبس
وارجع لحاله الصمت اللي بينا
لاني اتوقع اغتر بنفسه لما شافني بادرت
بس قلت اخذ رايكم اول