لرفع

هلا اختي مزنه

انا سويت مثل طريقتك وسويت لهم بروشور فيه مواقع حلوه ومفيده وسويت دورات بسيطه للاطفال باسعار رمزيه بس صدقيني الشغله ماتجيب همها . مافيه فايده . لان معظم اللي يبون مقاهي الانترنت بنات الجامعات والثانوي ومعظمهم يبون الدردشه . انا اقول لك هالكلام بناءا على تجربه . صدقيني بتخسرين فيه .

اعرف مقهى انترنت نسائي تصدقين الساعه فيه بخمسين ريال ويجونه بنات وش كثرهم ودايم مليان لانهم سامحين بالدردشه والبنات ماعندهم مانع يدفعون 50 ريال بالساعه في سبيل انهم يسولفون . ولو قلتي لهم الساعه بخمسه ريال بس مافيه دردشه ماراح يجونك .

لكن مثل ماقلت لك من قبل : من ترك شيئا لله عوضه خير منه ولا خير في رزق يأتي من حرام .


انا فتحت محلي بطريق الملك عبد العزيز بعد السيفوي وقبل مطعم اثنين في واحد . وقعدت فيه سنه . ويوم لقيت مافيه نتيجه نقلت لمحل ثاني في السنه الثانيه بحي القدس . بس نفس الشيء خسرت .


فكري في الموضوع زين وانا مستعده اساعدت في اي شيء تبينه

طيب سوال: هل فتحتي محلك في مكان عام ما في نشاط معه غير الكافي شوب واذا كان في نشاط ثاني البنات الي يجونك من العوائل المتحفضه؟

وانا يمكن افتح في البرجون سالت الاداره يمكن فيه امل واغلب الي يجون في البرجون ناس متحفضين يعني من العوائل المتدينه وانتي ما فكرتي في النقطه هاذي وهل تتوقعين في اقبال على محلي

هلا اختي

انا فتحت محلي وكان عبارة عن ( خدمات طالبات نسائي . يعني تصوير اوراق وطباعه وتغليف وعمل ابحاث وغيره . وفتحت معه مقهى الانترنت ) وطبعا نسائي محلي 100% .

يعني كانت الفكره ممتازه بالذات انه ماعندنا في الرياض محلات خدمات طالبات نسائيه . بس للاسف مانجح المشروع مع ان اسعاري كانت مثل اسعار خدمات الطالب ومازدت عليها . واسعار مقهى الانترنت كانت رخيصه بعد . وديكور المحل كان رائع جدا وهاديء .

بس انتبهي لشيء مهم بعد وهو الهيئه ترى بتواجهك مشاكل كثيره معهم . يعني انا يوم نقلت في السنه الثانيه محلي لحي القدس . ارسلوا الهيئه نساء من عندهم وقعدوا معي على انهم زباين وشافوا اللي عندي كله وعرفوا اني مانعه الشات ومواقع الاغاني والفن . ومع كذه ثاني يوم طلبوا مني الهيئه اقفال المقهى والاكتفاء بخدمات الطالبات مع انهم عارفين انه المقهى مافيه شيء مخالف .

يوم شفت السالفه كذا قلت اقفل المحل كله افضل لاني اصلا ماربحت فيه .

نصيحه دوري مشروع ثاني لأن الكمبيوترات تارسه البيوت الحين خلاص نادر مااحد يجي المقهى
افتحي حلاق او مغسله ملابس تربحين اكثر