أنا معاكم بعد

أحب أني أتعلم الديكور و التأثيث ، أنا عارفه ان لازم الوحده يكون عندها ذوق و م موهبه عشان تبدع

"نفسي أبدع ياناس" أحس بيتي مافيه تنسيق مافيه أكسسوارات "دايما أخاف عيالي يخربونها"

و أبي أخلي بيتي حلو و مرتب بسسسسسسسسسسسسسسسسس مش عارفه شلون

أحس أني ظايعه في عالم الديكور بصراحه.
و ياريت تساعدونا

و دمتم سالمين
أختكم ام صلوح الملوح

مرحبا اخت ام صلوح ..
أنا بعطيج الحل المؤقت لين ما نتعلم أنا وانتي:27:
أنا بشتري مجلات وبقارنها مع البيت .. وبشوف إذا كان الديكور مناسب بطبقه على البيت .
شورايج في هالفكرة :17:

تبين الصراحه






حاولت و لقيت أني ما عرف ..........!!

أنا ما أقول أن بيتي مش مرتب و حلو بالعكس لكن أحسه فاظي ما فيه أكسسوارات

أو يمكن لأن ديكور البيت مثل ماهو ما تغير من 5 سنين أحس أن بيتي ناقصه أشياء وااايد

الستاير الكراسي الطاولات مثل ماهي.

أتمنى تكونون فهمتو علي و دمتم سالمين

مع تحياتي لكم ام صلوح الملوح

معليش على التأخير حبيباتي....
عيوني دانه ... بالنسبه للمجلات و الله كثير ...
فيه مجله اسمها ديكور و فيه سنوب و فيه ممممممممممممممممم نسيت اسمها اتوقع البيوت او شي زي كذا بس لما ارجع البيت باذن الله اقول لج :)
بالاضافه الى المجلات العاديه اتصفح ركن الديكور فيها شي عدل و شي مايل بس هم نستفيد...
و هم بعد من مواقع الانترنت بالاضافه إلى برامج التلفزيون ...

و فعلاً احيان آخذ افكار من المجلات و المواقع و اجمعها... و استفيد منها على أرض الواقع...
و احيان الموقع اللي اطبق عليه ما يكون مطابق للي في الصور بس هنا تشتغل المخيله بحيث تطوعين الفكره اللي في بالج على الموقع بطريقةً ما...

و طبعا لازم التنسيق بين الألوان و الطراز ... يعني ما ينفع تحطين طرازين في نفس الموقع يعني ما ينفع تحطين كلاسيك و عصري بيطلع البيت شكله مرقع.... الا اذا حطيتي بعض التداخلات البسيطه الغير واضحه اتوقع تطلع حلوه....

ولازم تنتبهين للاضاءه لأنها عنصر مهم في الديكور و الله يوفقج يا رب....

حبيبتي ام صلوح...
شوفي هي التطبيق يكون صعب شوي خاصه في الروحه و الجيه تلفين و تدورين المحلات و المعارض عشان تشوفين شاللي عندهم و تجمعين في بالج افكار و اسعار الاشياء اللي تبينها و ترجعين البيت و تكونين حاطه عندج من الاول فكره معينه للتصميم و شي اكيد بتتغير بعد اللف و الدوران الين تتبلور عندج الصوره كامله و هنا تطابقين ما بين الموقع و الصور و الافكار اللي عندج مع الاثاث والديكورات اللي شفتيهم...
انا ساكنه في شقه حالياً اول ما سكنتها بصراحه كانت مو ذاك الزود هو تصميمها حلو و عصري لكن كانت بسيطه جداً يعني عاديه بمعنى الكلمه خليت نفس الاثاث لكن غيرت الصبغ و مع شوية ديكورات بسيطه و ستاير و اضاءات و براويز طلعت رهيبه يعني حتى لما جا اهلي و اهله البيت استغربوا قالوا اللي يشوفه كذا يحسب انج مغيره الشقه بالكامل و عندي جارتي تصميم شقتها نفس شقتي و لما دخلت شقتي قالت ابداً مو كأنها من العماره ... هي مجرد اشياء بسيطه تخدع البصر.... كلها تعتمد على التنسيق و التخطيط ...
و الله يوفقج يا رب و تسوين بيتج مثل ما تبينه...

على فكره انا مش من النوع اللي اهتم بالماركات و المحلات الغاليه... ممكن اخذ احيان اشياء من محلات رخيصه جداً و من الحراج حتى بس يكون لها شكل جمالي و جودتها حلوه...

نسيت اقول لكم اني اتابع البرامج او المواقع اللي توفر خدمة "قبل و بعد"...
مثل برنامج اوبرا وينفري لما تجيب مواضيع خاصه بالديكور و متابعة موقعها وغيره من المواقع مثل هذا الموقع
http://www.hgtv.com/hgtv/shows_dsc/