الى الغاليه هموم

الصراحه راسيه يعورني كل مافكر فيها حشا ماينا الرقاد ...من كثرما انا افكر وابغي حل..انا احترت ..اودر هاي البنت بعد عاشان تكمل الفرحه....
انزين انتي اتقولين غلط كيف اصحح غلطتي اللي سويتها ممكن تساعديني؟؟
وكيف اخلي علاقتي بين البنت عاديه..اتجاهل تصرفاتها واسوي عمريه كله ما يهمني .. لين اتحس انه مافي شي بيني وبينها .. واغير اسلوبي وتصرفاتي ويياها . امثل عليها انيه اتغيرت .ساعدني يالغاليه والله انيه احترت ((اشرايج)) ((ولا غلط))

حبيبتي انا اقولج انتبهي لدروسج احسن لج وخلج عن هالحركات البطاليه اللي يسونها البنات

اول شي قوي علاقتج بربج والله اذا فعلا حاولتي نظرتج لهالاشياء بتتغير وبعرفين انها فعلا تافهه الصديقه الصدوقه
مثل مايقولون هيه اللي بتعينج في دروسج ودينج اهم شي الدين ربيعتج هاي اللي صاحت ومادري شو سوت
صدقيني كلها فتره بسيطه ويمكن اول ماتتخرجين من الثانويه على خير بتنسينها

ادعي الله انه يخلصج من التفكير فيها ومن الصداقات اللي هيه مب طبيعيه ويعينج
واتقربي اكثر من البنات اللي هن بعاد عن هالسوالف(الاعجاب)اللي يهتمن بالدراسه واللي هن ملتزمات

بالنسبه للبنيه اللي ودرتيها اذا كنتي متعرفه عليها عشان نفس السبب مب شرط ترديلها بس خلي بينكم سلام حتى الاوليه نفس الشي ودوريلج البنات العاقلات

قوي علاقتج بربج اولا واخيرا ومادامج تدشين النت دشي المواقع الاسلاميه اللي فيها محاضرات وايلسي اسمعيها
عل وعسى وباذن الله تفيدج

والله يعينج ياخنبسانه على هالمرحله
واذا تبين الخاص انا حاضره
اختج هموم

الله يعينا .... انا احسن لي اتم بروحي في المدرسه عن عوار الراس والغصه...وبحاول اصد كل المعجبات عني..وابعدهم..

لاياقلبي خنبسانه الانسان اجتماعي بطبعه..
بس اللي كنا نقصده انا والاخوات ان العلاقه
مثل ماشرحتي لنا مو طبيعيه..والافضل انج
تتركين البنت ولا اذا كلش تمشيتي معاها سولفي سوالف مثلا دينيه
يعني محاضره سمعتيها في المسجد ايام الصلاة ووو..

بالنسبه شنو كنت اقصد

ممكن اكثر اتوضحيلي مثل شوه ما فهمت((خلي سوالف عاديه ..واذا تبينها تتكلم
اساليها سؤال مفتوح او تكلمي عن شي يخصج))

عموما هذا كنت اقصده في ردي الاول ...ماتوقعت انها ترسلج
رسالة حب ومدري شنو...بس اللي كنت اقصده
مثلا تسالينها عن سفراتها بالصيف..السؤال هذا
يعتبر مفتوح يفتحلها المجال انها تسولف اكثر..
واذا بغيتيها تسولف بشكل غير مباشر كلميها عن
سفرتج بالصيف..فهمتي قصدي..بس مو لازم
تطبقينه مع هالبنت وتركيها بس خلي علاقتكم
السلام والسؤال عن الحال اريح لج والله..

ولاتنسين اكررها عليج الانسان اجتماعي بطبعه
والمفروض يكون عندج رفيجات وزميلات ..
رفيجاتج حاولي قد ماتقدرين انج تنتقينهم عدل..
ترى الصاحب ساحب..ولاتتعرفين على بنات
مو في مرحلتج ..

بالتوفيق :26:

مشكوره اختي سنفوره على ردج وعلى اهتمامج ..بس الصراحه صعبه علييه انييه اتركها يعني هييه تيلس عندالي في كل الحصص ..

وليش ما اتعرف على بنات مب في مرحلتي مب انتي قلتي انه الانسان اجتماعي بطبعه وما فيها شي ان اتعرفت على بنات في مرحله اصغر عني خصوصا انه نحن في المرحله الاخيره في الثانويه كتغيير ..