ابغي اروح لدكتور نفسي،تطورت حالتي للاسوا خايفه

السلام عليكم
موعارفه كيف احكيكم معاناتي
يعلم الله محد يدري عن تعبي وقلقي وحالتي غير رب العالمين والله ماعمري فضفضت لاحد بس خلاص وصلت لمرحله ماعاد اتحمل ولاقادره اسيطر علي وضعي

بنات مدري وشفيني بالظبط ودي اروح لدكتور نفسي واتعالج بس لو دري زوجي بيقول مجنونه والناس كمان
للاسف انا عايشه في مجتمع يرفض العلاج النفسي مهما كانت الاسباب هذا لورجال فمبالكم حرمه :(

يابنات تخيلو يروح زوجي دوامه وطبعا كنت قبل عايدي اقفل الانوار واروح انام
الحين لا الوضع تطور
زوجي يروح دوامه اجلس،قدام الباب والله والله كثييييير واجلس اطالع المفتاح بالباب ولالا واجلس اردد كلامي المفتاح بالباب مقفل محد بيدخل علينا اكرر ذي الكلمه كثير لدرجه والله ابكي ابكي ابغي اروح انام مقدر جالسه اطالع المفتاح واردد الكلام واروح اكمل الغرف اشيك عالتوصيلات والافياش،والمراوح طبعا مو مجرد نظره واطلع لا اجلس اطالع بكل شي واردد اي جمله اكثر من مره والله اوصل للسرير اتنفس بتعب وابكي ليش كذا انا
حاولت اطنش زي مايقولو وانام ماقدرت اجلس علي اعصابي ومانام الين اروح واشيك علي كل شي

الشي الثاني بسافر لاهلي قريب واصلا كنت مخططه اروح لهم من شهر بس بسبب التعب الغامض الي اعانيه كنسلت وفيني تردد معنو مشتاقه لاهلي حيييل وفرحانه موت ابغي احضنهم واسولف معاهم بس علي طول افتكر عيالي يوم يجرون ويلعبون مع اخواني الصغار احيس جسمي يرجف وراسي يوجعني اتعب مره مره
مجرد ماينامون جسمي يرتاح
اكره ذي الحاله
كل الحريم يتقهوووون ويسولفون وانا عيني علي عيالي اتخيل الدولاب بيطيح عليهم او التلفزيون
ماقدر اجلس مكاني الف الف وراهم واحس زي الدبدبه المزعجه بجسمي




بنات قريت قران ودعيت الحمدلله ارتاح بس مجرد ماقفل القران ترجعلي الحاله


ابغي حبوب والله والله ماعاداحس للدنيا طعم
تخيلو من كثر مالحاله تتعبني مانعه عن عيالي الدراجه والمرجيحه والنطنيطه والزحليقه اتوتر اذا شفتهم يلعبون فيها قدامي



بنات انا وش فيني بالظبط وش،مرضي
اروح لدكتور واش اقوله
خايفه من الناس وكلامهم علي
خاصة زوجي بياخدها فرصه ويتزوج علي
ابغي اتعالج ابغي عيالي يطلعون ويلعبون وينبسطون
زوجي ملاحظ علي بعض الحركات بس احاول قدامه اكون طبيعيه
مابغي احد يكسرني:(


دعواتكم ربي يشفيني وارجع طبيعيه
وشلون اتصرف