ابغي اشغل وقت فراغي

الله يشفيك احتسبي الاجر في التربيه والحمل

انا دايماً اقترح هذي الاقتراحات :

- بما ان معك نقص فيتامين د ضروري يوميا اطلعي امشي بالشمس لو 10 دقايق بتلاحظين نفسيتك احسن بكثير بشرط اكشفي يدينك وسيقانك وجسمك قد ماتقدرين للشمس .

- بعد او قبل كل صلاه او قبل النوم خصصي لك صفحه او صفحتين تلاوه سور وايات من القرآن الكريم .

- كل اسبوع او كل شهر خصصي مبلغ حسب قدرتك تصدقي فيه سواء بجمعيه خيريه او صندوق الصدقات اللي بالمسجد او اذا تعرفين بيت ناس محتاجه .

- جربي اكفلي يتيم من الجمعيات الخيريه لمدة شهر او سته شهور او سنه حسب قدرتك .

- ابحثي عن وظيفه او عمل تطوعي او ساعدي فقرا ومحتاجين وقومي بقضاء حوائجهم وتفريج كرباتهم باللي تقدرين عليه .

- ابدأي بتجاره او مشروع صغير حسب قدرتك

- ممكن تشغلين وقتك بدورات انجليزي او حاسب او مكياج وتجميل او تطوير ذات او تحفيظ قران




وبما ان معك نقص فيتامين د اهتمي في علاجه عشان نفسيتك وصحتك تتحسن لان هي الاساس واطلعي رفهي عن نفسك حديقه او منتزه او اسواق او اي مكان

اسهل طريقة لتمضية الوقت قراءة كتاب واقتباس فوائد منه .. عندك الاف الكتب والتخصصات اقرئي تفاسير عقيدة احاديث سير وتراجم فكر ادب مترجم شعر تاريخ ومرني عقلك بالمعلومات الجديدة لاتضيعين يوم بدون تطوير .. اطبخي طبخة جديدة تعلمي مهنة جديدة فكرة جديدة.. اقرئي رواية وشوفي الفلم حقها.. اعتني ببشرتك وشعرك، شاركي في تويتر مشاركات بناءة ومفيدة اتركي اثر جميل ومفيد .. علمي طفلك شي جديد .. تدربي على كثرة الاستغفار فاللسان مثل العضلة يتدرب ويتمرن ويتعود على الكلمة المكررة لو تعودتي على الذكر بتلقين نفسك فجاة تذكرين الله كذلك الكلمة السيئة، احفظي كل يوم اية وتفسيرها .. حاربي الفراغ بالإنجاز مهما كان صغير.. استفيدي بتلقين نفسك راضية ونفسيتك مستقرة

الله يسعدكم دنيا واخره ولا يجعل الحزن والهم يمسكم حمستوني 😍نصايحكم جميييله باذن الله باخذ بها بنسبه للخرجه اه بس تعرفون البير وغطاه لكن مارح استسلم بسوي اللي علي والباقي على ربي

اشتركي مع معلمات تسميع هاتفي القران كله بركة راح تستشعرينها في نفسك وحملك ووقتك وزوجك . اتصلي على حلقات واطلبي معلمات تسميع هاتفي

الأخوات ما قصرن بس انا حابه أضيف فكره انو تحملينمحاضرات بجوالك تسمعونها وانتِ تشتغلين بالمطبخ او البيت
والله يعينك ويهون عليك ويشرح صدرك وييسر لك امرك