سويت ديسمبر :

طيب وش فيها يااختي لما زوجك يسافر مع ربعه بهدف تغيير الجو لا أكثر.. ترى مثل مااحنا يالحريم نستانس وننبسط مع بعض بطلعاتنا وعروسنا وعزوماتنا وحفلاتنا ، ترى حتى الرجال ينبسطون مع بعض وسوالف بعض ويحبون يروحون يستكشفون ويعيشون اجواء غريبه عليهم مع بعض بدون حمل مسؤلية هم الصغار ومشاوير الصغار.. لاحظي الشباب المعتدل يحاول على قد مايقدر انه مايكثر سفرات وهو عزوبي ..عشان اذا جى بيخطب مايردونه ويقولون عنه راعي سفرات وسوالف .. ويعني المتزوج ماله رب .؟ ماله نفس ياخذ بريك قصير عن اسرته .. انصحك لا تحطين في بالك انه مسافر يدور ورى الخرابيط ..احسني الظن فيه ، وراعيه وثقي فيه.. قربي منه كوني صديقه له قبل زوجه.. ماتتصورين وش كثر زوجي مرتاح لي وصار مايخبي عني شي ..لاني اعتمدت هالكلام السابق من اسبوعين جاني وقال: ابمشي البحرين مع رجال ، على طول قمت بنفسي واعطيته الجواز ولا ازعجته بأي اتصال .. صدقيني صيري صديقته ..عشان حتى لو بيوسوس له الشيطان ، بقوه وعزيمه بيدحره ..ويتذكر طيبك معه ،وعدم انانيتك .. ربي يصلح حالك معه وموفقه ...

طيب وش فيها يااختي لما زوجك يسافر مع ربعه بهدف تغيير الجو لا أكثر.. ترى مثل مااحنا يالحريم...