ابغي حل

وعليكم السلام
الحب مع وجود مسؤلية اولاد وبيت ونفاق اجتماعي يقل وما يصير اولويه
ومشكلتنا الازليه ان الزوج سهل عنده تقديم الطلبات والاوامر والتذمر والتشكي
لكن بالمقابل هل الزوج سأل الزوجه وش طلباتك وش ناقصك وش تحتاجين
الارتباط بالاطفال 24 ساعه طول العمر حمل ثقيل ويستنزف من طاقة الزوجه حتى بوجود الخادمه
والشي المهم وش نوع الاهتمام المطلوب ومعيار الكشخه والعنايه المطلوبه اللي بدونها تنهار الحياه الزوجيه !
اقترح ان الزوج يشيل مسؤلية الاطفال عشان الزوجه تكون متفرغه لصحتها وعافيتها وتقدر ترتز بالبيت بآخر صيحات الموضى وبالكعب العالي وتحط رجل على رجل تنتظر الدلال والغنج من الزوج اللي ما اظن راح يكون في كامل طاقته ونفسيته بعد الركض ورا الاطفال
الخلاصه والفكره اللي ابي اوصلها ألتمس الاعذار لهذي الانسانه اللي استبحتها بشرع الله واتقي الله فيها وحاول تكون رجال ناضج ومتفهم لان الحياه الزوجيه بلا موده ورحمه ميته ومثل ما تشوف ان لك رغبات وطلبات كذلك الزوجه اكيد لها رغبات وطلبات
الحياه اعتدال وانزان في كل شي والانسان طاقه وقدرة تحمل

صراحه مالها حق دام معها شغاله ،، لكن قولها إذا كشختي بعطيك مفاجئه يمكن تتحمس ومره عن مره تصير عاده عندهااا ، واذا تكشخت كافئها مافيه إلا كذا

ياخي هي في بيت اهلها فتره وترجع لبيتها .. في بيتها بتلبس براحتها وتآكل براحتها وتسوي الشيء اللي يعجبها وتكون على طبيعتها .. طالما هي نظيفه ومرتبه خلاص ماهو لازم كشخه ومكياج وعطور .. الحياه ابسط من كذا .. لازم انت تراعي نفسيتها وتهتم فيها وتشوف طلباتها .. ترا انك جايب شغاله لها مو معناته خلاص ماعندها مسؤوليه ولا اهتمام للبيت والأطفال .. راعها راعها وراع نفسيتها .. وفقكم الله

الحب موجود بس إذا الاهتمام والاحترام مو ثابتين وكل مرة بيصير خصام وزعل راح يأثر على حياتكم بشكل واضح
لازم يكون فيه التزام دائم منك ومنها
مو اعتذار مؤقت فقط