ابغي شغالة بالشهر بالرياض

بس ما ابي دلالة تقولي عمولة ومدري ايش

كل اللي عندي يبغوا عمولة ، بدرجة وحدة كلمتها تجي هي شخصياً تشتغل عندي ، وقالت ادفعي عمولة للي ساكنة عندها ، خير ان شالله ، وش دخلني ادفعلها عمولة وانا لا كلمتها ولا جيت من طرفها اساساً ، على ايش ادفع؟
وكلهم 350 ريال عمولة ، استهبال هو ؟؟
طيب انا ممكن ادفع عمولة بعدين بعد مدة تجيك الشغالة تقول خلاص ما ابي اشتغل ، معقول يعني اجيب وحدة تانية وبعمولة تانية ، وهكذا الموال يمشي ؟؟
لاا اعرف اماكنهم ولا اعرف شي عنهم عشان اضمن حقي .
هذا طبعا غير الراتب المحترم اللي بدفعه ، 2000 ريال وانا بيتي شقة
ولولا قرب ولادتي ما جبتها ، لكن محتاجتها حتى بعد الولادة لأن عندي دوام
وللأسف بعض السعوديات يساعدوهم على هذي الحركات ، اتصلت على وحدة طلعت سعودية تدل عالشغالات واعطتني رقم دلالةكينية ، والله انها تكلمني لدرجة اني حسيت اني انا العبدة عندها
اذا جيت اتفاوض معها تقفل بوجهي ، واذا رجعت اتصل تنافخ ، والسعودية تراسلني واتس أب ماعندها الا كلمة متى تبينها ؟؟ معلق معها الشريط على كلمة متى تبينها !! أي سؤال اسألها هو ما تجاوب ،، بس تقول متى تبينها
عبط هو ولا شغل سرقة بالقوة ، ماني فاهمة انا .

ياليت اللي عندي عندها شغالة بدون هبل العمولة ، تعطيني رقمها .