لا تكلمينها والله ماراح تستفيدين شي خذي ادله معك وروحي لاهلها ابوها او اخوانها وقوليلهم يربون بنتهم قليلة الحيا
وزوجك بيرضيك لانه راتبك بيده من هنا ورايح ولا ريال ياخذ منك نصيحه لوجه الله راتبك وشقاك لك ولا يستاهل وعطيه اكبر طناش وخليه يروح يتزوج اذا مره نفسه هافه على البنات منها تفتكين منه ومنها جالسه في بيتك مع بناتك

هو مستمر بالخيانه لأنك سامحتيه من أول مره ولا راح يعقل الي عليك تمسكين ادله على الي يخون معها و أوصلي لزوجها و أفضحيها لأنها خبيثه لو هددتيها يمكن تسوي لك شي و عادي تقلب عليك الطاوله من الأساس افضحيها و بعدين حرام تخدع زوجها و عيالها و التهديد ما ينفع مع هالعينات


و زوجك أتركيه من غير لا تكلمينه ولا بكلمه و إذا بترجعين له وريه إنك قشرا و لك شروطك مو انك طيبه و بسامح خلي لك هيبه عنده لأن ما ينفع معه الطيبه حقتك


و لا تخلينه اولويات اهتمامك اصرفي اهتمامك لنفسك و لا تعطينه ولا هلله لو يقاطع من الموت و يبي سلف ريال يفك أزمه ابخلي عليه
و ما فاتك شي أشتري لك شقه أسكنيها يبيك يسكن عندك خانك اجدعي ثيابه برا الشقه و غيري المفتاح و اصرفي راتبك لمصلحتك و عيالك و بس
حرام تروح حياتك هدر

لا تتعبين نفسك معاه العمر راح ومشى فتره كبيره بينكم لكن نصيحه لاتخربين بيتك وطنشيه وسوي نفسك زعلانه وعامليه مثل الغريب مع الوقت يستحي على دمه ويقدر وكثري استغفار ودعاء والحوقله باذن الله بيجيك الفرج

👍👍👍

وازيد على كلامها
هددي البنت واذا تحدتك وطولت كلمي اهلها او زوجها هذي ماتصلح تكون ام

بس بعد ماتثبتي عليها دلائل

في شيء اسمه حد وتحديد تحددين رجلك بالخط العريض ,سنوات وهو يعيد ويكرر وزلات منه تفضحه .

والله ها البرامج من انستغرام وغيره بدال الناس ما تستفيد منها صارت تخرب البيوت وتكثر الطلاق .

الخيانه اللي قام زوجك فيها فقط كلام مانطلق عليها خيانه بالفعل والشوف .

انا اتفهم ردة فعلك , لكن فيه رجال فقط شغلهم الشاغل الكلام بها البرامج والللخ ما له نهايه .

هو عارف انه غلطان واعتذر بس كل السنوات كان يعتذر والخطأ نفسه يتكرر السؤال وانتي تسامحينه ليه لأنه عجن شخصيتك وشاف مافيك شخصية ؟؟؟

وانتي اعرف بشخصية رجلك كيف هو ما تغير وانتي ما تغيرتي دائما تسامحينو .

تبقين الحل الأكيد اللي راح اخلي رجلك عندك وبس لك ولأولادك , ازعلي وجيبي احد من أهلك وكلميه وافضحيه عندهم , وقولي له مانك براده للبيت الا لحذف كل البرامج التواصل اللي عنده وما يتعاير بدوام او غيره او اللخ ....يتواصل مع اصدقاءه

هذا زمان اول ما كان بو تواصل اجتماعي حدهم ايميل وبس .وكلن بحاله , انتي اللي عليك تثبتين شخصيتك .




جوانب النقص اللي في رجلك شوفي وش شخصيته ؟؟؟ حلليها وليه يحب كلام ها البنات ,اكيد لأنهن ينعمون اصواتهن ودلع .

وسوي له اختبار روحي له من جوال ثاني عساس انك انتي بنت وبتتعرفين عليه ,بعدها كلميه وسولفي معه, من دون ما يعرف انك زوجته ان تاب ومارد صدق يوم انه تاب وان رد وجلس مكمل اعرفي انه ماتاب

الكلام يوصل لفعل ان كان اليوم بالكلام بكره بالفعل .

وان كنتي ناويه تتطلقين منه فكري بمصير اولادك اولا وكيف نفسيتهم وحالهم ووضعهم كيف بيكون ؟؟؟ ووضعك انتي كيف بيكون ؟؟؟ واذا عندك اثبات عليه ودليل قوي تقدرين تتحدثين مع كبار اهلك من امك او ابوك عمك خالك اي احد , يتولى امره حتى لا يتمادى .

وان وصلت للمحاكم النتيجة راح تنتهي بالطلاق استخيري انتي وقرري .

وانا من رأيي قولي لرجلك وش ناقصك انتي وليه وش يشوف فيهن ها البنات ويتواصل معهن والتوبه مرة ماهي بسنين وانتي عندك كرامه لا متى بيستمر ؟

ناقشي معه بحدود كيف يبقاك انتي تكونين , وش اللي ماهو عاجبه فيك وحللي شخصيته زين .

في بعض الرجال ملولين مجرد مايتزوج 2اسبوعين عسل مع زوجته وبعدها راح يتغزل بغيرها بالسناب وغيره لانه من النوع المللول اللي يمل بسرعة .

انتي بعد حاولي تسوين تغيير من نفسك نظامك وجوك العائلي مع اولادك وكلكم تكونون عسفرة وحدة واللخ وعسى الله يفرجها لك .

وادعي له بالهداية والصلاح وعظيه وارسلي له مقاطع فيديو نصح عن الخيانه وعاقبتها ومراقبة الضمير حتى تحسسينه بذنبه ولعل وعسى يبين بعينه ويتوب .