ابغي طريقة خبز خمير على التاوة بالمهياوة طري ولذيذ

شوفي حبيبتي انا اسويها وتطلع وايد حلوة وطرية

المقادير:

6 كاسات طحين رقم 2
2 و نصف فنجان شكر
شوية زعفران
نصف ملعقة صغيرة ملح
2 ملعقة كبيرة خميرة فورية
وماي للعجن

الطريقة:

احط المقادير كلها على بعض واعجنها بحيث اتكون عجينة ممكن تشكيلها ومتماسكة
اتركها لين تتخمر حوالي ساعتين
بعد ماتخمرت اقسمها لدوائر
افرد كل دايرة واخبزها وارشها بالمهياوة او بالزعتر او حتى بالجبن
وبالهنا والعافية


حبيبتي جربي ورديلي خبر :27:




تحياتي
فراولة :cook:

farawlah9


مشكورة تسلمين على الطريقة ...

:26: :26: :26: :26:

حبيبتي مشكورعلى الطريقة والله يعطيج العافية وانشاء الله اجربها وارد عليج......

الغالية فراولة مشكورة على الطريقة

وأذكر يارتنا الله يرحمها كانت تسوي الخمير بالمهياوه على الفحم

و كان واااايد لذيذ ومشتهيتنه ألحين

المهم الغالية بالنسبة للعجينة لاحظت إن ما فيها بيض و زيت أو سمن يعني بس بالماي؟

و بالنسبة لفرد العجينة تكون مفرودة ناعمة أو غليظة ؟ وهل أفردها بالشوبق أو باليد أحسن؟

و التاوة أدهنها بالزيت أو يتحمّر الخمير بدون زيت؟
وياليت تحددين لنا كمية الزيت كيف؟ وهل يقلب هعلى الجهتين؟
وكيف بيكون شكله في النهاية؟
ولج مني خالص الدعاء إن شاء الله :26:

للرفع :26: