ابغي طريقة محشي الكوسه

المقادير:
ارز مصري على حسب الكميه اللي تحددينه
طماطم العدد2
بصله وحده
بقدونس شويه
بهارات(كركم,بزار,فلفل احمر,كمون,فلفل اسود) الفلفل الاحمر على حسب الرغبه

الطريقه:
انا اسوي الخلطه تكون جاهزه ومستويه نحمر البصل والطماطم والبقدونس والبهارات ونحط الماي ليس يستوي العيش

نحفر الكوسا من داخل ونخليه الين يجهز العيش

نحشي الكوسا بالارز وبعدين نحطه في جدر ونضغط عليه بصحن او اي شي يكون ثجيل عشان ما يطلع الارز من الكوسا

***طريقة الصلصه:
5حبات طماطم
فص ثوم
ليمون ربع فنيان
ملعقه وحده صلصه
خل شويه
فلفل اخضر العدد 2
كوب ماي
تخلط في الخلاط ثم تصب فوق الكوسا ويترك الين يغلي ويقدم



الطريقه منقوله لا تنسيانا من دعواتج في ظهر الغيب

هلا حبيبتي...

طريقتي انا...

لحم مفروم جاهز... وبصلة صغيرة مفرومة بالفرامو وطماطم صغيرة مطحونة وشوية بهارات
وشوية جنميتو وملح .. وفن جان قهوه صغير رز مصري..

كلهم يتلخبطو مع بعض وبعد كذا أحشي الكوسة أو البطاطا وإذا كان عندك فلفل رومي كمان أحشية يطلع روووووعة

وبعضهم يحطو مع الخلطة شوية شبت أو كبرة بس أنا ما أحطهم ما يعجبني

وبالعافية على قلبك...

بنت بوظبي شكرا علي الوصفه و اكيد بدعيلك وقولك الله يفرج همك ويحقق لك اللي في بالك

شموع مضيئه شكرع يا قلبي ربنا يوفقك

في عندي استفسارات الله يوفقكن

كم اخليها علي النار حتي تستوي
ويصير احفرها بسكين واللي عندها صورة الحفاره يا ليت تصورها
وعادة اذا بحفر الكوسة اللب اطلعه كله ولا بس من الوسط وما اخلي الكوسه خفيفه جدا
مرات انا اطعم الكوسة رطبه ما تكون ناشفه مرة فالي تعرف ايش اللي يخلي الكوسة بعد ما تجهز تظل رطبه لعدة ساعات تخبرني

للرفع