ابغ ازور ناس من اقاربنا وودي شخصيتي قويه مابي نظره رحمه وعطف

الله يعينك ويفرجها عليك

اختي على ما اعتقد ان عدم الزواج مو عيب ابدا عشان تحسين انك ناقصه بالعكسس يمكن يكون افضل لك انا مدري ليش كثير من البنات ينكسرون بمجرد ان نصيبهم تاخر بالله قوليلي وش قيمة الرجل الحين ولا شي ماله داعي اصلا انا نفسي انك تشتغلين على نفسك وتنسين الزواج لان اغلبية المتزوجات عايشات بهم ونكد وانك تكونين بنت افضل ولا مطلقه
قدمي على الجامعه انتساب طوري من نفسك ادخلي مركز رياضي وروحي مكتبه واقرأي طوري من نفسك والنتيجه بتشوفينها بعدين في شخصتك صدقيني اشغلي وقتك بالشي الي تحبينه ويعود عليك بالمنفعه اذا رحتيلهم خلي الابتسامه مرسومه على وجهك واذا قالولك كيفعايشه قولي اللي معيشكم معيشني انا بصراحه ماني شاطره بالنصايح بس ابيك تكونين قويه لانك اصلا قويه وفيك صبر تبارك الله طلعي شخصيتك اللي انتي كابتتها جواك والحياه ترا حلوووه عيشيهااا واقولك شي ترا الحياه من غير رجل احلى وااخف واسهل

الله يوفقك اختي المشتاقه نفس رد الاخت ماعلينا الزواج قسمه ونصيب واذا ماحصل وتزوجت بالبدايه مو معناها انك مسكينه وكل الناس اللي بتشوفك بترحمك هذا الشي
انتي حاطته براسك واي نظره من الناس تكون عاديه بتقولين بنفسك يرحموني وهذا اللي يسبب لك الجرح تشيكي بلبسك ومظهرك اختي وخليك واثقه من نفسك ولاترددي عن الناس اللي تبين تزورينهم والله يوفقك

شوفي انتي لاتجين شاحنه نفسك ابي اصير شخصيه قويه ابي اصير مؤثره ابي يكون لي حضور ابي وابي وابي وبكذا تخربين على نفسك وتحملين نفسك فوق طاقته وبكذا تكونين شحنتي نفسك بالسلب انتي خليك على طبيعتك وترا الساكت اللي كلامه معقول له حضور ولا تخافين الايام ان شاء الله بتزيد حصيلتك من التجارب بالاضافه للسكوت والاستماع وشوي شوي تبدين تكونين شخصيتك مثل ماتبين فيه عجايز دايم ساكتين وفيه بنات دايم يبربرون والانسان لازم يتقبل طبيعته

والدنيا ما انخلقت في يوم واحد لاتضغطين نفسك اهم شي خليك مرتاحه وتقبلي نفسك وردودك وتصرفاتك ترا هذي جزاء من قوة الشخصيه والحضور انك تتقبلين نفسك وتقتنعين بنفسك

روحي المكتبه وخوذي لك كم كتاب عن طريقة التعامل مع الناس

وطريقه تقويه الشخصيه والثقه بالنفس ..اقري كتاب (قوه التحكم في الذات لابراهيم الفقي وكتاب قوه التفكير لنفس المولف )او دوري عليهم بالنت ..

واقري عن كل شي تحتاجينه ..اقري كثير مافيه شي يثقف كثر القراءه

وصدقيني بعدها بشهر بتشوفين الفرق :)