ابغ وحدة حكيمة وفاهمة توجهني لحل مشلكتي بأقل الخسائر الله يسعدكم

لسلام عليكم ورحمة الله وبركاتهأنا متزوجة من ٩ سنوات وعلاقتي مع زوجتي ستقرة وسعيدة ولله الحمد، زوجي هو وحيد والدته وعندها بنات متزوجات ونعيش في نفس البيت انا بشقة وهي بشقةعندي أطفال اولاد وبنات ولله الحمد واكبرهم بنت عمرها ٧ سنوات الله يحفظها ويصلحها.‏انا شخصيتي مسالمة وماافسر كل تصرف اواجهه من الاشخاص حولي وأحسن الظن دايماً لكن احيانا الي حولي ينبهوني ودايما اسمع هالعبارات ترا فلانة تقصد كذا شفيك مارديتي عليها واتفاجئ او ترا هذي نيتها بكلامها كذا هذا بس عشان اوضح لكم شخصيتي " البليدة " ع قولة أمي 🤣🥲علاقتي مع أم زوجي كانت ممتازة وكنت دايم أقول الحمدلله ربي عوضني ف بعدي عن اهلي لكن كنت دايم اسمع من الناس ام زوجك متسلطة عليك ام زوجك شخصيتها قوية وبكرا بتندمين اذا كبرو عيالك الخ وانا مو شايفة هالشي واحيانا اقول يمكن مستغربين علاقتنا لان ام زوجي تحبني زي بنتها وشايلة مسؤوليتنا المهم من اول حمل لي احنا وضعنا المادي حلو انا وزوجي وموظفين وام زوجي كذلك موظفة وهي شالت ٨٠٪؜ من مصاريف تجهيز بنتي والي بعدها والي بعده اغلب عيالي من كل شي حليب حفايظ لبس ألعاب طلعات أكل روضات وكان زوجي يقول مو لازم وتقول لاتتدخل انا ابغ اجيبلهم واسويلهم الخ وهي فعلا تحبهم ولما كبروا اذا طلبو مني بنتي او ولدي شيء تقول انا اجيبلكم ووقت الاكل اذا طلبو اعطيهم شيء تقول انا أنا اعطيكم لان اغلب الوقت هي كانت معانا وانا كنت اشوف هالشي عادي ومستانسة عليه وكانت ناسخه مفتاح شقتنا تدخل بأي وقت تشوفهم واذا سمعت صوت احد يبكي اطلع ع طول فوق وتقولي ليش وحرام عليك وتحضنهم وتاخذهم عندها تحت ، عيالي كبرو وبديت اتذكر تحذيرات الي كانو يقولونها لي قبل لأنهم تمردو عيالي علي ومايحبوني ولايطلبون مني شيء او اذا طلبو شيء وقلت لا يقولون جدتنا تجيب لنا وفعلا تجيبه لهم، أو اجيبلهم شيء مايعجبهم تقول أنا اجيب لكم احسن زي موقف حصل عطيتهم جوالات قديمة عندي مابغاها يلعبون فيها راحت قالت لهم انا اجيب لكم ايبادات أكبر وأحلى، وبنتي كل شوي تقول بعيش عند جدتي ولما تسمعها ام زوجي تضحك وتقول في غرفه لك عندي حبيبتي ، ووقت تسجيلها بأول ابتدائي سجلتها من غير علمي بمدرسة ورفضت لان كنت مختارة مدرسة ثانية وهذي اول مواجهة لي لام زوجي وهنا بينت لي وجه ثاني وبدت المشاكل بينا🥲 لان بديت اتغير و صرت اقول لبس العيد انا بشتريه لعيالي واختاره وطلعاتهم انا اختار وين اوديهم و اكلهم لان كانت تختار او " تفرض" بالاصح حتى وجبة المدرسة وش احط فيها لهم، وصارت تتصل ع اهلي وخوالي وعايلتها وتبكي عندهم تشتكي مني وقدامي انا وزوجي ماتبكي تدعي علي وتتحسب وتقول انتي باينة نيتك ماتبغين عيالك يحبوني اكثر منك وانها افهم مني بالاطفال والتربية ، غيرت مفاتيح الشقة لانها زادت جياتها زي العناد وصارت برجعتنا من المدرسة تفتح باب الدرج عشان تشوفهم تحضنهم وتقول ترا جدتكم تحبكم مرررررة وحشتوني ويكون معاها كيس فيه هدايا والعاب غاليه من غير مبالغة بشكل يومي وامس صارت مشكلة بيني وبينها لان قلت لها انا ايام الاسبوع عندي دوام ومشغولة ماقدر انزلهم كل يوم ومايصير كل يوم ألعاب وهدايا وحلويات ماينفع وابغ ادرسهم فوق بس جمعة وسبت ننزل عندك ونتغدا ونجلس معاك لين تزهقين منا قالت لي " قولي بصريح العبارة انك ماتبغينهم يحبوني اكثر منك وايش العقلية هذي وعادت كلامها انها افهم مني بالتربية و و الخ " وزوجي قالي لاتكبرين الموضوع واذا بتسوون مشاكل لاتدخليني وانتو الحريم فاضين.ابغ احد يوجهني كيف اتصرف واحل هالمشكلة و كيف ارجع عيالي يتعلقون فيني ويسمعون كلامي أنا وكيف اتصرف مع ام زوجي وهل هي فعلا بنيتها شيء او انا فاهمة غلط والي يصير طبيعي، للعلم انا قبل لتصير بينا مشاكل كانت دايم لما نكون بعزايم تذكر قصص لناس يحبون زوجة ابوهم او اعمامهم او جدتهم وعاشو عندهم ومرة بعزيمة قلت مافي زي الام وهي احن وحدة على عيالها قالت لاحبيبتي مو الكل وتضرب امثلة ان فلانة تموت بجدتها او فلانة تموت بعمتها او زوجة ابوها وتقول احبها اكثر من امي ومابغ امي وكنت اسكت زي ماقلت لكم ما اربط الكلام الي ينقالي بحياتي وبالي يصير معاي تو الحين بديت استرجع هالذكريات بعد ماصارت المشاكل.