اول شي الحمدلله على سلامتي ..
بنات اول شي ادخلوا مواضيعي وشوفوا مخاوفي من الولاده والمحتاه اللي انا مريت فيها ..
الحمدلله الحمدلله اللي هون علــــي !!
المهم تذكرون الموضوع اللي كتبته قلت بنات ينزل مني خيوط دم ؟
المهم من بعد ذاك اليوم نمت وصحيت لليوم الثاني ولما جاء الصباح وقف الدم وقعدت ليييين جااء حزة الظهر
وجاني وجع الدورة :eek: وقلت بنام شوي ارتاح ورحت لسريري انام وزوجي كان نايم عندي لانه جاي من الدوام
المهم يمكن غفيت شووووي وقمت الا الألم يزيد معي .. ورحت للحمام وشفت دم اكثر من الخيوط كانه الله يكرمكم
دم دورة :( قلت يوووووه جاتني الولده وش اسوي ؟ المهم خذيت دش سريع وتنظفت
وطلعت من الحمام كأني مرشوشه بماي بارد يافلان قوم ودني المستشفى انا جاني طلق
قعد وعيونه وحده مبطله وحده لا قال مو مبين عليك فيك شي
قلت وشوووووو ؟ اقولك قوم ودني انا ادري اكثر منك بسرعه .. المهم الالم يجيني ويروح كنه اللي يقول جاك الموت يا تارك الصلاه :30:
قام زوجي وقال طيب بتوضا وبوديك .. المهم كلمت حماتي عندنا بنفس البيت اتصلت عليها وقلت يابنت قومي
انا نزل مني دم والطلق يجيني على خفيف ويروح ...
قالت طيب دقايق البس واجيك ..
كل ماجاني الالم استغفرت وادعي
وطلع زوجي وقال يالله نمشي وركبنا السيارة انا وزوجي وحماتي معاي ...
المهم اتصلت على اختي الكبيرة قلت انا رايحه لمستشفى الولاده تعالي هناك قالت ان شاء الله بجيك ...
دخلنا الطواريء وانا قلبي يرقع
وجابت لي حماتي عربه وانا اودع زوجي واوصيه على ولدي فديت روحه .. وخذوني لداخل على الدكتورة على طول
وقالت يالله بفحصك وفحصتني ولقتني 3 سانتي
قالت حطوها على التخطيط .. ورحت للتخطيط وقعدت لييين وصلت 5 سانتي ورفعوني لغرفة الولاده ..
ودخلت الغرفه ولبسوني لبس الولاده وقالوا يالله بنحط تحميله تنظف اللي في بطنك قلت لااااااااااااااا مابي تحميلة الطلق
قالت لااا مو حق طلق حق تنظيف بس .. المهم حطوها واول ماخلصوا قلت يؤيؤيؤ وين الباثروم :eek:
ورحت للباثروم الله يكرمكم وكل ماجيت بخلص وبطلع يجيني ذاك الماغص وارجع وكل ماحسيت اني خلصت جاني ذاك الماغص ورجعت وقعدت ادعي عليهم قلت هذولا يبون يولدوني بالحمام الظاهر :angry2:
المهم خلصت وطلعت ورحت للغرفه نفسها وكانت الساعه 2 ونص الظهر .. وحطوا علي المغذيات وعطوني الاكسجين
ودخلت حماتي علي وقلت شوفي ابي ابرة ظهر روحي قوليلهم بسرعه ... المهم طلبنا ابرة الظهر وقالوا لااازم تحليل دم
لانها مب مطلوبه بالملف .. قلت وشوووووو؟؟ طيب انا اللحين اتالم اخاف الماي يتبطل حق البيبي واولد وانتوا ماجبتوا الابرة ؟ قالوا لا مايطول النتيجه بسرعه تطلع ... المهم خذوا مني دم وانا اتالم من الطلق واحط الاكسجين
وحماتي عندي تقول ادعي لامك الله يشفيها وادعي للي تبين .. قلت ااااااااااااااااااااه يايمه الله يشفيك
يايمه ويييييييييييييييينك :( وكانت عيوني تدمع وحماتي بكت من شكلي ... وصلت حظرة السيده اختي ودخلت
علي وحماتي طلعوها برى .. وصل التحليل وقالوا يالله بنحط لك ابرة الظهر الدكتور جاي ... قلت يالله بسرعه قبل لايتبطل ماي الجنين ابطل راسكم :angry2: وكان صوتي عالي وحدددي معصبه المهم دخل الدكتور وعطاني الابرة
وتخدرت المنطقه اللي تحت كلها وجاني دكتور بعدها وفحصني قال ماشاء الله 7 سانتي وطلع ...
وانا ماعاد احس بالطلق كان يوصل معاي 70 الى 80 وانا ما احس الا خفيييييييييييف ...
المهم فحصتني السستر وقال ماشاء الله 9 سانتي يالله يالله ماما اطلع برا ولاده ...
قلت انا هييييييييييه وين الدكتور انتي وش تسوين ؟ قالت انا صار لي 15 سنه اولد الحريم
قالت اختي خليها يمكن خيرة
قلت يالله بسم الله المهم تقولي يالله ادفعي ومعها وحده ثانيه كانت تضغط على البيبي ..
وانا ادفع ولا احس اني ادفع لاني متخدرة من الابرة وتقول يالله يالله يالله البيبي بيطلع قلت اااااااااااااااااااااااااااااه كأن روحي بتطلع ودفعت ذيك الدفعه وطلع البيبي واول كلمه قلتها الحمدلله الحمدلله .. وقعدت ابكي من الفرحه اني خلصت ..وجبت بنوته الله يحفظها
وهذي قصتي صح طويله بس صدقوني مغامراتي كانت حلم بالنسبه لي :42:
وعقبال كل حامل الله يهون عليها ...
& عـــهـــد & @amp_aahd_amp
عضوة فعالة
يلزم عليك تسجيل الدخول أولًا لكتابة تعليق.
نجود_حواء
•
الحمدلله على سلامتك ومبروك البنوته
الحمد الله على سلامتك وتتربه في عزكم نشاء الله وتشوفونها عروس
بس قصتك مغامره بجد دعواتك ربي يسهل ولادتي لان انا في اخر اسبوع في تاسع
بس قصتك مغامره بجد دعواتك ربي يسهل ولادتي لان انا في اخر اسبوع في تاسع
الصفحة الأخيرة