ابــــي اســـــوي عــــــــــرس ..... وش رأيكم؟؟؟/اخذ حقه من الردود

نور قلبي2010 • 15 سنة

المدى الباكي :

انا اقول سوي عرس ووبفندق بعد وخلي الجريده تجي تصور زوجك واهلك عشان الكل يشوووووف وع قوله اختي ((ماشي الحال)) اعزمي اهله بعد والله يوووووفقك حيث ماكنتي ويعوضك خير

انا اقول سوي عرس ووبفندق بعد وخلي الجريده تجي تصور زوجك واهلك عشان الكل يشوووووف وع قوله اختي...

امممممممممممممممممممممممممممممم
- بعد زواجي بثلاث ايام اخذ شنطته وسافر وتركني اسبوع في البيت وهالكلام كتبته لكم قبل فتره طويله في موضوع اخذ مساحه كبيره في المنتدى لكن باختصار
ترجيته مايسافر وهو مصر يسافر يقول عنده عمل ضروري
راح وخلاني في بيت بروحي لاحد من اهلي في نفس المدينه ولا احد اعرفه فيها
البيت كان عماره جديده انا اول من سكن فيه وراعي البيت بس
الدور الاول كان فيه مشغل نسائي
راح وسافر ومخلى عندي حتى خبز تخيلوووو
ماعلمت اهلي انه سافر خفت ابوي ينجلط صبرت واحتسبت اليوم الثالث رحنا سوبرماركت اشتريت خبز و2 اندومي حتى كشر يوم اخذتها الحمدلله اخذتها اخذت عصير وشوكلاتات بس ورجعنا البيت
المهم فطر عندي والربطه فيها 4 حبات خبز فطرت معاه بقي 2 وانا مانتبهت من زعلي انه بيسافر وهو ولا فكر فيني
-سافر بعد الفطور وانا احسب صدق عنده عمل (( طلع راح مع اخوانه ينبع سمع انهم بيسافرون بس الرجال وقال والله تمرون علي وتاخذوني وهم الي مايستحون طاوعوه اشلون يخلي عروسته بنت الناس بروحها ماخاف علي يجي احد يخطفني ولا يذبحني حسبي الله عليهم كلهم))

- صرت اتصل عليه مايرد ارسل له مسجات مطنشني اذا سمعت صوت خوفني ارسلت له قلت تعااااااااااال انا خايفه وهو مطنش لابعد حد وانا هبلته بالاتصالات وهو مطنش مايرد علي
-الا واسمع في الشقه الي فوقي عمال يشتغلون انا انهبلت واتصل فيه كلمني ضروري واتصل مرعوب وش فيه وش صار قلت العماره كلها عمال ماغير انا فيها تدرون وش قال (( احسن شي عشان يسكنونك وماتخافين)) هي شرايكم بغيت اموووووووووووووووت قلت ايش العمال في البيت وانت عادي قال انا مخلي رجال في البيت<<<سود الله وجهه

- الخبز خلص وارسلت له هو عنده سواق وعنده مصالح في نفس المدينه قلت له ارسل السواق خله يجيب لي خبز خلص الخبز وخليه يجيب لي عشا بموت من الجوع قالي (( مايعرف البيت)) يعني موتي جوع عادي جننته وهددته قلت والله لاعلم اهلي عليك ولا فكر وانا طبعا ماعلمتهم<<<كنت احسب لاسكت كذا ابستر نفسي وبيتي مايخرب توي عروس اي شي ممكن يأثر وهو يبي اي مشكله عشان يتخلص مني فهمت غايته وفتحت له مزبوط وكنت عايشه معه على التطنيش والصبر والتحمل

- ثاني يوم بعد العشاء دق الجرس السواق حط لي خبز بريالين على الباب ونزل بسرعه عشان لا اناديه يجيب لي شي ثاني <<<طبعا الحين عرف بيتي وجاب لي ماقصر على حسابه السواق خبز!

- بعد العز في بيت ابوي صار السواق يتحسن علي بخبز ياعيبااااااااااااااه

- الثلاجه فيها كرتون كت كات وعصير وبطاطس مثلجه وجبنه كيري نعمه وفيه لقيت في الدولاب قشطه وعسل وجبنه علب والاندومي بس مافي لا ملح ولا بهارات ولا دجاج ولا رز ولا زيت يعني الاشياء الاساسيه لسى ماشتراها

- جاء بعد اسبوع ووداني جده يوم واحد ورجعت بنفس اليوم وبعدين رحت عزومه عند اخوانه واخواته ماقابلتهم بس حريم اخوانه ودخلت عليهم اضحك واسولف ولا بينت لهم شي وهم انقهرو مني عارفين كل شي صاير معي يبوني اشتكي لهم بس انا مابينت لهم اي شي ابد
- رجعت بيتي وجلس معي اسبوع في هالاسبوع كان طول الوقت مره يعطيني وجه ومره يطنشني لين في يوم جاني يضحك ضحكه غريبه واسلوب غريب حنان وكلام حلو وهذا كله انا بعدي بكر كملت 3 اسابيع وانا بكر وهذاك اليوم الي جاني فيه متغير جاء ناوي يدخل علي وفعلا دخل علي وكان اسلوبه غريب وكان كل شي غريب قبل كانت له محاولات فاشله واساليب فاشله ماله داعي اذكرها بس حسيت في رجولته شي
- حس بالانتصار يوم انتهى من هالمهم هم وانزاح عن صدره
- صحي الصباح على صوت الجوال وانا سويت نفسي نايمه ولا اخوه اتصل فيه وعلمه انه دخل علي قال انا تحت انزل نزل يابنات بالشورت قسم بالله وقفل علي الباب وانا قلت الله الله وش هالحرص كله هذولا وش فيهم كانهم عصابه وربي

اليوم الي بعده سو اخوه عزومه لخاله عشان جاهم ضيف شوفو انا لي 3 اسابيع محد قدرني حتى بقوه منهم وجاني بيتي المهم

- خلصت العزومه وداني بيت اهلي مارجعني معه واليوم الثاني جاء لابوي وقاله ابخلي فلانه عندك بروح للرياض واجي عندي شغل كلها يومين وقاله ابوي ابشر غاب 6 ايام وطول الفتره الي راحت يجي يومين ويغيب 3 ايام او 4 ايام
-بعدها جاء واخذني معه وكان معه ولد اخته وراكب قدام وانا انقهرت كنت ابي استفرد فيه ليش يتركني 6 ايام ولا اتصال ولا مصروف ولا فكر فيني
- طول الفتره هذي انا معد اكل شي وبس ابكي
- ابوي نزله سلم عليه وقاله ترى البنت ماتاكل روحو مطعم وتعشو وانبسطتو اشلون نروح وهالعله ولد اخته معنا

- يالله يابنات والله مانسى ذا اليوم ابد وكل ماذكرته ابكي من كل قلبي

- وقف عند المطعم وقالي وش تبين قلت جيب على كيفك قام نزل وقال للولد يالله انزل قلت خليه معي وانت روح جيب عشا قال لاااااااااااااااا بصوت عالي خوفني وسكت مارديت عليه وجلست استنى استنى استنى والله العظيم ساعه الا ربع استنى قلت معقوله كل هذي زحمه بالمطعم طالعت جهت المطعم ابفتح شنطتي اطلع جوالي ابدق عليه

- تخيلو شفته هو وولد اخته يتعشون بالمطعم:icon33: اااااااااااااااااااااااااااااااااااااه ياقلبي بغيت اصيح براسي كله ليه انا زي الكلبه انتظر بالسياره وانت تتعشى بالمطعم ليه انا بنت الشغاله وش انا
- الولد يوم شافني اني شفتهم طلعو بسرعه زي المجانين بغى ينجن اني شفته الحقيرررررررررررررررررر عديم الغيره والاخلاق والذوق

- دخل السياره وانا ماقلت شي وبغى ينجن استغرب اني سكت وطول الطريق وانا ابكي ابكي ابكي بدون صووووووووووووت
- وصلت بيتي طلع معي حط الشنط ولا سلم علي ولا ناظرني قالي انا بروح اودي الولد ويمكن اجي ويمكن اجلس مع اختي اسولف معها<<<<وانا وشو انااااااااااااااااااااااااااا وشو

سكت وقلت بخاطري وش ياخذ الريح من البلاط

عليه العوض ومنه العوض

- ماجاء يابنات ماجاء خلاني في البيت لحالي بين اربع جدران ارسلي رساله سوي لي احلى غداء وابجي على الغداء عندي شغل اخلصه واجي وسويت الغدا من 1ونص جاهز وماجاء الافندي الا 11 بالليل تخيلووووووووووووو
- قالي ابيك في موضوع مهم
1- الغرفه هذي وياشر على غرفة النوم محرم علي ادخلها
2- وهذاك الشي مابيه منك
3- وانتي ان جلستي معي شهر ماراح تجلسين شهرين وان جلستي سنه ماراح تجلسين سنتين
4- اسمعي يابنت الناس البيت هذا احلمي اجيب لك فيه شي غير الاكل غير كذا لاتطلبين مني
5-انا والله قررت اتزوج ولو مو رمضان جاي الشهر الجاي كان تزوجت

جلست اضحك عليه قال ليش تضحكين قلت بتتزوج قال ايه قلت مبروك لاتنسى تعزمني قال اكيد بعزمك قلت له اول خلص مني وبعدين تزوج<<<جاني بس لليله الدخله ومعد قربني وهزيت رجولته بكلمتي الي قلتها له

- فهمت انه خلاص عافني بس قلت ابصبر تو ماكملت شهر وش يقولون الناس عني بيحطون الخطا مني وانا ماسويت له شي هو جلس معي عشان اسوي له شي طول الوقت رحال بشنطته داخل خارج فيها
- اليوم الي بعده قالي انا بعطيك فرصه وانتي وشطارتك وراح جاب الذبيحه حقت رمضان وقضى لرمضان ومررررره فرحت وتطمن وقلت الحمدلله الوضع زين اليوم الي بعده طلع طول اليوم وبعد العشاء ارسلي انه بيروح جده مع ربعه وقالي بيعوضني بتمشيه اليوم الي بعد
- وهو هذاك اليوم الي حطني عند اهلي وقالي معزوم اتعشى واجيك وعليها الى يومكم ذا يابنات ماشفته اختفى

- وش رايكم بالايام الي عشتهااااااااااا شهر عسل معتبرررررررررررررر

- في مواقف حصلت بعد لكن مو ضروري كل شي اذكره لكن ذكرت الاشياء المهمه

هذا كله حصل قبل الطلاق يوم حطني عند اهلي

طلقني لليلة العيد تخيلووووووو 29-9-1429ه وكانت الطلقه الثالثه

عاد الاولى والثانيه مدري عنها

ناس قالو انه طلقني فعلا يوم العرس بس قلت مستحيل لانا نمنا سوا صح ماحصل شي لان معي الدوره بس نمنا سوا

وناس قالو طلقك يوم حطك عند اهلك

تخيلو الناس الي يعلموني متى تطلقت وانا اخر من يعلم وهو رفض يجي لاهلي ورفض يكلم ابوي ورفض اي واسطات للصلح رفض اي شي ممكن يرجعني له قفل كل الابواب حتى رفض يعلمنا متى كانت اول وثاني طلقه ومتى طلق ومتى رجعني والله اني للحين مدري عنهااااااااااااا

وش رايكم هذولا ناس ولا وحوش:icon33::icon33:

jamolll • 15 سنة

حسبي الله عليه وعلى اخواته
افرحي ياعيوني وسوي عرس بمزاجك

ام سبع نجوم • 15 سنة

ربي يسعدك ويفرح قلبك ويجعل ايامك سعاده وهناء

أحلى رغد • 15 سنة

حسبي الله عليهم

بيشوفها باعز الناس عنده خواته

لا تخافين الله ما يرضى بالظلم

بس اكثري من قول حسبنا الله ونعم الوكيل..

والله يكون بعونك

ma7araah • 15 سنة

أسأل الله العظيم رب العرش الكريم أن يجعل ماحدث تكفيرا لك..

وأن يعينك على الصبر..ويعوضك بزوج يستاهلك..أنتي بنت رجال ..لو وحده مكانك كان فضحته من اول يوم ..
أسال الله أن يجعل مارأيتيه منه تكفيرا لك يالحبيبة..
جد انصدمت لما قريت قصتك ..الله يربط على قلبك...عشت الاحداث معك ونصورتها وتصورت مشاعرك ..مشاعر عروس تلتمس الفرحه فلم تجدها.

حبيبتي الحياة امامك ومالم تفعليه في زواجك السابق افعليه الان لاتجعلي شئ بخاطرك ماتسوينه لكن ياحبيبه باعتدال ودون اسراف ودون ضغط على زوج المستقبل
اللي يستاهلك حتى تكوني في عينه من أفضل نساء الدنيا وارضاء لله لان اي زواج يقوم على طاعه تجدي التوفيق بين الزوجين سبحان الله..تأثرت جدا بقصتك وجعلها الله آخر الاحزان التي تمرين بها..

والله يوفقك بس طمنينا عليك بعد الزواج..