ابــي احـــد يــســتــوعــــــــب مــعـــــــــــــــــــاي!!

السلام عليكم و رحمة الله و بركاته..
خواتي العزيزات عيدكم مبارك و عساكم من عواده:21:
الصراحه انا ما ادري اذا عندي مشكله ولا لا.. بس صارلي 7 شهور تقريباً متزوجة و ليلحين مافي حمل و الحمد الله على كل حال..
بس خلوني استعرض لكم بعض الامور و انتو احكموأ .. الله يسلمكم انا قبل الزواج الدورة عندي كانت منتظمة بالميللي كل 31 يوم! و من تزوجت و هي شوي معفوسه اول كم شهر كانت تتأخر علي تقريبا من اسبوع الى 10 ايام .. طبعا انا ما سكت رحت الى احدى الطبيات اثناء تاخير الدوره و عطتني حبوب تنزلها لاني ما كنت حامل.. و انزلت و كان عندي موعد بعده قالت بتسويلي منظار علشان تشوف المبايض و بتعطيني منشطات! انا شوي خفت لان بوقتها ما كان لي الا 3 شهور زواج يعني تو الناس على سوالف المنشطات!.. المهم انا رحت بعد شهر على موعدي و كانت طبيبه في نفس العياده غيرها الي ماسكه المنظار .. اسألتني بعض الاسئله و قالتلي ما له داعي نستعجل الي اشوفه اما ان دورتك صارت كل 35 يوم ! قلت اوكي ان شاء الله خير .. بس استغربت ان وحده تقول كلام عكس الثانية ف لجات للأمي و الحمدلله دلتني على دكتوره افضل و ارتحت لها المهم سوتلي منظار و كان لللأسف في كيس على احدى المبايض بس طمنتني ان شي عادي و باذن الله بروح مه الدورة الجايه .. و فعلاً راح .. سوتلي تحاليل الاول كان في اليوم 21 و كان مو مين شي لانكم عارفين دورتي متاخرة مو كل 28 يوم و الثاني كان يوم 5 الدورة الحمدلله كل شي تمام .. قبل رمضان عطتني الابره الي تفجر البويضه يوم 17 من الدوره يعني انطرت ان يكون حجمها مناسب .. و للاسف هم ما صار في حمل خيرة باذن الله.. بس بيني و بينكم قاعده اوصل الى مرحله شبه قوية من الاحباط و زوجي كسلان ما يبي يروح يحلل .. الدكتورة قالت الموعد الجاي بعد رمضان و ان شاء الله خير.. آسفه جداً على الاطاله بس و الله احس بحيرة تعتقدون انا فيني شي؟ يعني فيني ضعف مثلاً؟ في وحده صارها نفسي من قبل تساعدني جزاكم الله خير! و الحين آخر شي بذكرلكم مواعيد الدورات الي طافو علشان تحكمون انا بالضبط كم دورتي؟
15/7 ، 18/8 ، 25/9 ، 28/10
آسفه للاطاله مره ثانيه و مـشـكـــوريــــن:27: