ابـيات الغـلا

برسم ابيات الغلا من كل الالوان
و بنثر عليها من الورد ريحاني

و بسطر ابياتها بلولو و مرجان
و بزيد من حلو الالماس ميزاني

بكتب قصيده عليها القلب ضميان
تعبر عن اللي ملك كل وجداني

ضبيٌ ليا شفته اقول سبحان
سبحان للي له فالحسن افناني

لاقبلت نورها و الشمس سيان
ولا منها اقفت تظلم كل الاوطاني

بقول انا اوصافها من كل بيبان
و بخفي بعضها لاجل ما اروح سرحاني

ببدا بعينٌ عليها الشوف شفقان
عينٌ ولا مثلها في كل الاعياني

مدعوجةٌ مرسومه بسود الالوان
يتعب نظرها كل عاشق و ولهاني

و الرمش انشين مخلوق باتقان
ميز جفون الحلا عن كل انساني

و الخشم مسلول يجنن كل شيطان
و العاقل العاقل منه يروح طرباني

و الخد لا شفته اقول يا كحيلان
كف كف عيوني من قبل اروح غلطاني

و شفاتها توت و مصدر كل الالحان
يا ويل حالي لا سمع نظم الالحاني

يا ليت لي في قلبها دوم مسكان
اسكن و اريح دون لا افكر و لا اعاني




خالد الرشيدي... منقول ****لله تعجبكم






:32::32::32::32::32: