السلام عليكم ورحمة الله وبركاته
كيف حالكم يا خواتي وكل عام وانتم بخير يارب
ودي افضفض لكم يمكن ارتاح شوي لان حياة امي مأرقتني من انولدت
للحين وراح ابدا بسرد قصة حياتها بدون مقدمات ...
امي انولدت وحيده بدون اشقاء ابوها متزوج قبل امها وجاه ولد وبنت
وماتوا الله يرحمهم وبعدها تزوج امها اللي هي جدتي الله يرحمها
وجابت امي حياتي وانفصلت عن ابوها لانها ماحبته زي مايقولون
عافته وتزوجت رجل من منطقه ثانيه وحبته عن كلام امي حب فظيع
وجابت منه بنتين واربع عيال ولانها تحب ابوهم صارت تموت فيهم وامي
ياعمري ما تحبها ولا لها حظ فيها ودايم تفشلها ولا تفكر تزورها او
تاخذها عندها وهالشي انا شاهده عليه وكنت الاحظ هالشي على
جدتي الله يرحمها ويحللها وجدي ابو امي ماتزوج بعدها وعاش لحاله
وحط امي عند جدتها ام امها ما اخذها عنده ولا اخذتها امها ولهت
بعيالها من زوجها الثاني وطبعا جدت امي وخوالها يحبونها ومكرمينها
لاخر حد الله يوفقهم ويرزقهم الجنه ويحللهم حيهم وميتهم
المهم راحت حياة امي وامها وابوها ما يسألون عنها ابد يوم صار عمرها
14 سنه زوجها ابوها لابوي وكان ابوي اكبر منها بكثير كان عمره تقريبا
42 يعني بسن عياله لانه متزوج قبلها واخذها وهي بزر وعاشت معه
ومع امه واخوه وكانت امه شديده مررره تخبرون عن مانسمع عن
خالات قبل قويات وشديدات ودايم تتحكم فيها وتتطنز عليها لانها ما
كانت تبي امي لابوي كانت تبي وحده من بنات عمه وهو رافض حملت
امي وولدت اختي الكبيره وهي توها بالـ 15 وبعدها بسنه حملت
باخوي اللي اصغر منها وكان عمي متزوج من بنت عمه بس ما يحبها
ودايم يسافر ويخليها يروح للكويت ودول الشام يترزق الله وهي في
بيت ابوي وعمي ماتروح لاهلها ابد وعمي زي المغصوب عليها المهم
مره وهو مسافر طلقها وارسل لجدتي وابوي يعلمهم وطول بسفرته
المهم علمهم انه مطلقها وعلم اهلها وبهالوقت امي كانت حامل باخوي
الثاني وزوجة عمي هذي على الرغم من ان عمي مطلقها الا انها
رفضت تطلع من البيت وتروح لاهلها وكانت علاقتها قويه بجدتي ام
ابوي يعني خالتها ومسوين حزب على امي وشوفوا عاد التصرفات
وتجديع الكلام والاستهزاء وامي طيبه لابعد حد لدرجة ان مالها قيمه
عند احد ولا تفتح فمها بكلمه وحقوقها مسلوبه عند الكل وبتتأكدون
من هالشي اذا كملت القصه للنهايه .........
يتبع ............
طيب ماقلنا شي؟! @tyb_maklna_shy
عضوة نشيطة
يلزم عليك تسجيل الدخول أولًا لكتابة تعليق.
جدتي الله يرحمها ويسامحها كانت تكره امي بدون سبب ودايم تجلس
مع زوجة عمي سابقا وزوجة ابوي حاليا ويسولفون وياكلون مع بعض
واذا شافوا امي يستفزونها ويرمون عليها كلام قبيح وعلى فكره زوجة ابوي
اكبر من امي بـ 15 سنه ؟؟ ياليته يوم جاب ضره لامي جاب وحده اصغر منها
يعني جتها الضره وهي توها بـ الــ 17 سنه وباين فرق السن بينها وبين امي
لدرجة ان صديقاتي الحين يقولون وشلون زوجة ابوك اكبر من امك وهي الثانيه ؟
المهم مع كل هالاهانات والسخافات والقهر امي متحمله وساكته ماشاء الله عليها
حملت امي بولدها الثالث وحملت زوجة ابوي بعدها بست شهور جابت امي ولد
وهي جابت ولد وحملت امي بعدها بسنه وهي تقريبا نفس الشي وتعرفون حريم
قبل يحملون ورا بعض لانهم مايستخدمون موانع وكلهم جابوا عيال .....
وماكان متعاطف مع امي الا عمتي الله يجعلها بالفردوس الاعلى لانها تخاف الله
وكل سنه تزيد المشاكل اكثر من قبل والحقد على امي من طرف جدتي وزوجة
ابوي بعد كذا حملت امي وجابت بنت يوم كملت هالبنت 4 سنوات مرضت كانت
جميله وبيضاء وذكيه ودايم تجلس مع ابوي اذا جاء عنده رجال ودايم الرجال اللي
يجون ابوي يسولفون معها ويسألونها ومعجبين بذكائها على صغر سنها واللي
فهمته من اهلي ان سبب مرضها عين مرضت وبدا يطلع بجسمها حبوب كبيره
يطلع منها صديد ودم وجلست ست شهور على هالحاله وفي مره من المرات
كانت امي صاحيه من النوم واختي هذي تاخرت ماصحت راحت امي لها وحاولت
تصحيها بس ما تتحرك راحت لجدتي وعلمتها يوم جت لها وفتحت غطاها لقتها
متوفيه الله يشفع بها ....
مع زوجة عمي سابقا وزوجة ابوي حاليا ويسولفون وياكلون مع بعض
واذا شافوا امي يستفزونها ويرمون عليها كلام قبيح وعلى فكره زوجة ابوي
اكبر من امي بـ 15 سنه ؟؟ ياليته يوم جاب ضره لامي جاب وحده اصغر منها
يعني جتها الضره وهي توها بـ الــ 17 سنه وباين فرق السن بينها وبين امي
لدرجة ان صديقاتي الحين يقولون وشلون زوجة ابوك اكبر من امك وهي الثانيه ؟
المهم مع كل هالاهانات والسخافات والقهر امي متحمله وساكته ماشاء الله عليها
حملت امي بولدها الثالث وحملت زوجة ابوي بعدها بست شهور جابت امي ولد
وهي جابت ولد وحملت امي بعدها بسنه وهي تقريبا نفس الشي وتعرفون حريم
قبل يحملون ورا بعض لانهم مايستخدمون موانع وكلهم جابوا عيال .....
وماكان متعاطف مع امي الا عمتي الله يجعلها بالفردوس الاعلى لانها تخاف الله
وكل سنه تزيد المشاكل اكثر من قبل والحقد على امي من طرف جدتي وزوجة
ابوي بعد كذا حملت امي وجابت بنت يوم كملت هالبنت 4 سنوات مرضت كانت
جميله وبيضاء وذكيه ودايم تجلس مع ابوي اذا جاء عنده رجال ودايم الرجال اللي
يجون ابوي يسولفون معها ويسألونها ومعجبين بذكائها على صغر سنها واللي
فهمته من اهلي ان سبب مرضها عين مرضت وبدا يطلع بجسمها حبوب كبيره
يطلع منها صديد ودم وجلست ست شهور على هالحاله وفي مره من المرات
كانت امي صاحيه من النوم واختي هذي تاخرت ماصحت راحت امي لها وحاولت
تصحيها بس ما تتحرك راحت لجدتي وعلمتها يوم جت لها وفتحت غطاها لقتها
متوفيه الله يشفع بها ....
سبحان الله العظيم ....سبحان الله وبحمده .....عدد خلقه ورضا نفسه وزنة عرشه ومداد كلماته
الصفحة الأخيرة
كانت تسويه من قبل يعني شغلها بالبيت كل يوم الطبخ على وحده هي وامي
واذا جاء يومها بالطبخ تطبخ عادي وتروح تقدم الاكل لابوي ؟؟؟!!! وهي طبعا
متغطيه وتهتم بنفسها وبلبسها وبعطورها حتى وهي مطلقه ؟؟ وقدام ابوي
وابوي كان مضايقه هالشي بس ساكت لانها بنت عمه ومستحي يطردها
عشان اهلها امي ولدت اخوي الثاني وراحت تتنفس عند جدتها وزوجة عمي
مازالت بالبيت عند ابوي وجدتي وطبعا طليقها اللي هو عمي مارجع من السفر
لحد ما ينسون اهله الموضوع شوي..
رجعت امي من النفاس وابوي منقلب عليها وتصرفات زوجة عمي وجدتي زادت
سوء معها وهي لاحول لها ولا قوه طبعا ابوي ماراح يجيبها من بيت جدتها هي
جابت اختي واخوي ورجعت ويوم رجعت افتعل ابوي مشكله معها علشان ترجع
لخوالها ؟؟ وفعلا رجعت امي لبيت خوالها وبهالوقت تزوج ابوي زوجة عمي ؟؟؟
يوم درت امي ذلت نفسها وجابت اخواني ورجعت لبيت ابوي مره ثانيه لانها
صعبه تجلس عند خوالها ومعها عيال ؟؟؟
يوم سألت ابوي ليش تزوجت علي وانا توي بزر ؟؟ ومن تزوجت طليقة اخوك
قال وش اسوي احرجوني ابوها واخوانها يقولون الناس اكلوا وجيهنا يا اما اطردها
والا تزوجها !!!!!!!!!!!!! وانا ما قدرت اطرد بنت عمي شينه قدام اهلها وتزوجتها؟؟
ومن هنا بدت المعاناة الحقيقيه لامي على الرغم من انها من انولدت وهي تعاني
وبدا الصراع الحقيقي مع الخاله ام الزوج والضره .........
يتبع .........