اختي الغالية والله ان قصة امك تشابه قصة امي كثيييييييييييير وظروفنا تشبه الظروف اللي كنتي انتي واخوانك تعيشينها بس الفرق ان ابوي كان عنده مركز ووزن بالبلد وغني فلوس مب لنا احنا عياله لا ابدا لحريمه لانه اخذ اكثر من وحده ومازال يتزوج ويطلق وفلوسه بعد لاخوانه وعيالهم ولحد اللحين الكلام هذا !!

تصدقين اني ماشفت ابوي ولا كلمته من كم شهر !!! لمحته امس بالشارع ومليت عيني منه وتبين الصدق اكثر يمكن مشتاقه اشوفه بس عقلي يقول لي وش تبين فيه وفي شوفته اصلا هو ما يفكر يسأل عنا والا يشوفنا زارنا من شهر تقريبا لما سمع ان اختي بتنخطب طبعا طمعان بالمهر تخيلي !!! ومهري انا ماشفت منه فلس احمر !!!! حتى باقي خواتي اخذ من مهورهم بس الضربه القاضيه كانت لي كان مهري كبيييييييييير وخليته له كله طبعا مب برضاي بس حفظا لباقي ماء الوجه على قولته وعشان مايسوي لنا فضيحه !!!

اختي انا عكسك علمتني حياتي في بيت اهلي اكون مقاتله لاخر درجه وهالشي معروف عني يمكن اللحين هديت شوي بس والله لو اقولك عن شخصيتي قبل كم سنه انك تعجبين كنت شرسه محد يقدر يدوس لي ولاخواني وامي على طرف كنت المتحدث الرسمي عنهم وياويل من يجيب طاريهم او يمسهم بسوء !!!

علمتني الدنيا انك ان لم تكن ذئبا اكلتك الذئاب وهالشي ما كذب عليك تعبني وتعب نفسيتي كثييييييييييييير لان حملني فوق طاقتي وكنت دايما اشوف الناس كلها سيئه لين تثبت العكس كرهت الكل وكرهت اشوف ابناء في عيلة مدللين كنت اقارن حياتي بحياة اي حد اشوفه وقول شمعنا هم وانا واخواني لا !!!

اللحين الحمدلله هديت كثير طبعا مع ذكر الله والاستعانه به بس مازالت بنت رجال (طبعا مب ابوي خخخخخ ) امي دايما لما تبي تفتخر فيني تقول ونعم بفلانه بنت فلانه !!!

قوي نفسك واعتبري اللي صار درس لك يقويك ويصقلك ولا تخلينه سبب وعلاقه تعلقين عليه فشلك باي شي خليه مصدر قوه لك صدقيني وانا اختك ان الفلوس ما همتني على كثر ما كانت عند ابوي ولو اقول لك املاك ابوي كم ومن اخذها انك تعجبين بس والله انها ماهمتني كثر ما همني لو كان ابوي فقيييييييييييييييير ومعدم بس رجااااااااااااااااااال وسند لي وحضن دافي ومصدر لقوتي واعتزازي وفخري !!! بس اشيل له جميل انه علمني ان الانسان بفعله مب باصله ولا بولد من اصنعي نفسك قولي بكل فخر انا فلانه باخلاقي بديني لا تقولين ولاتنظرين احد يقول ويمدح فيك بسبب ابوك انتي اصنعي نفسك قوي نفسك مدي نفسك واخوانك بالثقه والقوه

قسم بالله اني لما اذكر كيف كنت اجمع اخواني بنات واولاد واقعد كلمهم واهزء فيهم اذا ضعفو او حد هزئهم او احتاجو لشي او اثر فيهم ابوي بتصرف او وحده من حريمه قسم بالله انك ماتصدقين الكلام اللي كان يطلع من فمي وانا مراهقه مالي الا 15 او 17 سنه كنت انتقم واخذ حقي وحق اخواني من اللي يسئ لنا حتى ابوي ومره كان بيضرب امي وقفت بوجهه ومنعته وهو جننننننننننن اخواني الاولاد كانو مثل الفيران خايفين انا وقفت بوجهه ولما شافوني الكل قام وتشجع

تعلمت ان الدنيا مهما قست عليك ومهما صار فيك ربي كريم اكرم من كل عباده بيعوضك بعيالك بنفسك بزوجك بصحتك ربي كريم وما ابتلاك الا لانه يحبك

يمكن طولت عليك بس لقيت حد يشبهني بقصتي وحبيت اشجعك وامدك بالقوه واقولك همسه باذنك ان كثييييييييييييييييير نفس حالتك وعاشو يمكن عيشه اصعب منك بس حياتهم وعيشتهم مدتهم بالقوه والكفاح عوضي عيالك وخليهم يعيشون احسن عن عيشتك وبنفسيه احسن من نفسيتك كل شي فقدتيه بحياتك عوضيه اللحين وعيشيه معاهم

والله تقطع قلبي على أمك

الله ياخذ بحقها وينتقم لها من كل ظالم ..

ياعمري والله صراحه جتني غصه وخنقتي العبره وانا قاعده اقرى

الله يعينكم ويوفقكم ا***** الله

ياحبيبتي خلاص الماضي راح وانتهى وان بقيت له اثار بس وين العزيمه وقوة الشخصيه انا اتحدى احد مامر بظرف مؤلم او فتره ماساويه في حياته بس الغلط ان هاللحظه تصير محور حياته
الحين جدتك عند ربها وزوجة ابوك بين يدي الله انتقم منها وهذا هي في الدنيا شفتو بعيونكم اش صار لها يعني عرفتو ان الله ماخذلكم ولو بشي بسيط احمدي الله تزوجتي وانجبتي وامك على قيد الحياه تبرينها وتكسبين اجرها
اعقدي النيه انتي في ايام مباركه على تحسين قدراتك وتطوير ذاتك لاتعيشين نفس الدوامه خلاص عاشتها امك وعيشتكم فيها وش رايك بعد يصير تعيشون عيالكم فيها ؟؟؟ ماااايصير ابدا مافيه شجره ماهزها الهوا ومافيه احد معصوم من مصايب الدنيا لكن الغلط هو الاستجابه للالام واجترار الماضي
اخوكم تشوفون له حل اذا انتو في الرياض تتصلون بعادل المقبل يجيكم البيت وساعتها لكل حادث حديث اللي فيه بيروح مع الرقيه ولو اني والله اعلم ماستبعد ان سببه مرة ابوكم لسبب بسيط حبه الشديد وتعلقه فيها حتى اختك الكبيره اتوقع فيها زي اخوكم لكن حالة الاخ اقوى وامك فيها عيون ماتذكر الله عالجوها كيف تسكتون عليها كذا وكان الله في عونكم
تأكدي دائما انك في خير ونعمه والله وبالله وتالله اني اعرف وحده مر عليها اكثر باضعاف اللي مر عليكم من جميع النواحي وتعالي شوفيها كيف تحدت الظروف وشخصيتها ماحد يقدر يتعدى عليها ومربيه عيالها على الحده واخذ الحق وقوة الشخصيه تقول ليش الي مريت فيه يأثر في عيالي واخرتها يكبرون يقولون الله لايسامح امنا اللي ماعلمتنا على الحياه