تزوجنا وصارت امي تشوف ان ازواجنا وحمايلنا افضل مننا ولهم فضل عليها

لانها زي ما قلت لكم تشعر بنقص فظيع فصرنا نحاول انها ما تحتك فيهم كثير

نخاف يحسون بهالشي بعدين ينتقصوننا وللحين غير اهل ازواجنا مانعرف

احد ولا لنا احتكاك بأحد وهالشي متعبنا كثير حريم اخواني شايفين انفسهم

على ان كل وحده منهم اخس مننا ظروف بس امي عطتهم جرعه معنويه

بسبب تعاملها معنا ومعهم ...

اختي الكبيره للحين علاقتها بامي كانهم ضراير دايم يتهاوشون حتى عند

الناس وامي ما تحبها وتحقد عليها احيانا ودايم تهاوش امي وتزاعلها لانها

تحب عيالنا انا وخواتي اكثر من عيالها ؟؟؟ مدري لها حق او لا ؟؟!!

اختي من ابوي كانت قبل ماتبينا وتكرهنا زي امها ومو بحاجتنا وتتكلم

علينا عند صديقاتها وتحش فينا والحين سبحان الله ما حولها احد كل يوم

تتصل علينا وتحتك فينا وتبينا نزورها وتزورنا تبي لها عزوه هي مالها شقيقات

طبعا ما قطعنا علاقتنا فيها بس للحين فيها تصرفات سيئه مع انها متحسنه

شوي عن قبل .. على فكره لها مواقف معنا سيئه وتقهر ولو نقطع علاقتنا

فيها بسبب هذيك التصرفات ماحد يلومنا بس ما صار فيه مجال لذكرها ...

امي للحين طيبه وماتاخذ حقها وتشعر بنقص فظيع وحاطه اخواني وحريمهم

على راسها ومهما غلطوا هم وحريمهم ما تشوف اغلاطهم تفضل العيال

على البنات لكن دائما نلتمس انا وخواتي لها الاعذار ولا نزعل منها تجامل

حريم اخواني وعيالهم على حسابنا لكن حبها الجنوني لنا يوم كنا صغار

يشفع لها تسوي اي شي ونتحمله واحنا راضين ...


امي يا حياتي تحملتي الكثير الكثير علشانا سهرتي ومرضتي وتسلفتي

وبكيتي وانقهرتي علشاني انا واخواني وخواتي والكل قابلك بالنكران

والجحود ما فيه احد يحترمها ويحبها ويخاف عليها غيري انا واختي اللي

اكبر مني واللي اصغر مني وشوي زوجة اخوي الكبير لان عندها ذرة

احساس وحيا ما راحوا منها عكس الثانيه ...

امي الحبيبه الله يرزقك الفردوس الاعلى بعد عمر طويل

خواتي بنات حواء الله يشهد علي ما زدت ولا حرف بالعكس ناقص

كثير كثير كثير مواقف تقهر وتبكي دم لكن خوفي اطول عليكم خلاني اختصر

القصه والا لو ما اختصرتها الله اعلم وش كثر بجلس اكتبها ...

استودعكم الله الذي لا تضيع ودائعه

وسامحوني اذا كلامي ملخبط شوي يمكن لان فيه غصه بصدري

والله اني اكتب والعبره خانقتني الحمدلله على كل حال ...

الله يعوضك بالجنان أنتِ وامك وخوانك ..
هذي دنيا دار نكد احتسبوا الأجر و إن شاء الله ربي بيعوضكم خير في الجنة ..

بداية القصه مأساوي ويحزن
وكثير عاشوا قصه شبيهه بقصة امك
الحمدلله الحال تغير
واشوف ماله داعي تلتفتين للماضي والوراء
وتقعدين تذكرينه

الله يجزاكم الجنه والله يتقبل منكم كل دعوه صادقه

ما ادري ليش كتبت معاناتنا مع انه ناقص منها كثير ورب البيت بس

قلت يمكن ارتاح لاني للحين اعاني من تبعات هالشي ومأثر علي

وعلى عيالي آآآآآآآآآآآآآآآآآآآآآآآآه بس الله يجعل كل ما اصابنا تمحيص

ذنوب يارب الحمدلله على كل حال ...

:(:(