ابقولكم قصتي والحمد لله على كل حال

أنا متزوجه لي عشر سنوات وعندي ثلاثه أطفال وماابغى الحمل في الفتره هاذي الي ان يدخل ولدي لتمهيدي بعدين احمل المهم صار فيه غلط في حساب ايام التبويض وصار الحمل أنا هنا جن جنوني وبكيت وبغيت انزله استغفر الله وصارت نفسيتي تعبانه استغفر الله لدرجة امي وام زوجي يهاوشوني ويقولون والله الي يشوفك يقول حامل من حرام ولاحظوا ولدي ماهو صغير مره وعندي شغاله يعني مادري وش اقول بس الله يتجاوز عني ويغفرلي هذا هبه من الله المهم اشوي اشوي بدأت اهداء واقول الحمدلله يمكن خيره لي المهم أنا باختصر الاحداث قد ما قدر لانها طويله مره وصارت احداث المهم بعد ماتعلقت في اللي في بطني ونسيت الي صار خلاص صرت افكر في هذا الجنين اللي جاي في الطريق وصرت اخذ الفوليك اسد والاسبرين وبعد تقريبا سته اسابيع رحت لدكتوره عشان اسوي اشاعه قالت لازم المثانه تكون مليانه عشان يبان لانك توك في الاسابيع الاولى المهم بدات الدكتوره الاشاعه وتشوف الكيس بس المفاجءه مافيه جنين انا اول مره يصير لي كذا بالعاده يبان الجنين المهم الدكتوره قالت لي ارجعي بعد عشره ايام نسوي اشاعه ثانيه يمكن يبان واذا مابان نسويلك تنضيف ما تصدقون بكيت وصرت اقول لدكتوره دوري زين صارت تضحك وتقول انا اعرف شغلي عرفت ان اللي يده في النار مو زي اللي يده في المويه المهم مرت علي ابطاء عشر ايام في حياتي سبحان الله هذا اللي كنت اموت وانزله كيف صار الحين غالي المهم الدكتوره قالت اذا نزل دم فمعنى ذلك ان الكيس راح يطيح من حاله وقالت لاعاد تاخذين الفوليك ولا الاسبرين المهم ما سمعت كلامها واستمريت على الحبوب المهم تاسع يوم الله لايوريكم الم ودم بشكل مخيف رحت طوالي طواري دله وكشفت الدكتوره قالت اشعه لازم وانا ابكي اقولها لا ما فيه جنين الجنين راح بغبائي الله بيعاقبني قالت لازم الاشعه وانا رايحه الاشعه متحطمه لانها بتقولي كيس بدون جنين لدرجة اني غمضت عيوني مابغى اشوف اشوي الا اسمع دقات قلب يتبع