ابكتم ولا راح اقول لاحد

السلام عليكم ورحمة الله وبركاته
اليوم استلمت صك الطلاق واكثر شي قهرني تطلقت بدون سبب وقايمه فيه ولا قصرت
محترمه اهله ولا قصرت
مجروحه ومنكسره على طلاقي ولا اتحمل كلام الناس يكفي السنه اللي مريت فيها يكفي ان ثقتي انهزت
يكفي اني كرهت نفسي ...لاني كنت مولعه له اصابعي الخمسه عشان يرضى اسوي الاسباب وابحث عنها كان يعاملني بقسوه وانا احاول اكسبه....احس بالاهانه
كثير افرش سجادتي وادعي ربي
وانا الحين مهزوزه تزوجت عندي حلم مثلي مثل باقي البنات تزوجت وشفت نجوم الليل بعز الظهر
ولا مره حسيت بسعاده او احترام او تقدير
يجرحني كثير
من ليلة زواجي يناديني ويصرخ علي صباح العرس الاول ينافخ علي
اموووووت قهر على اسلوبه معي
ماشاءالله انا طباخه ودارسه الطبخ 6 سنوات
اذا طبخت يعيب طبخي
واذا لبست يحاول ماينتبه
مشبعته جنسيا
ومشبعه بطنه
واحب اهله ويحبوني
ماقلت له سافر فيني او ابي اتمشى او ابي اتعشى بمطعم كان كل تفكيري ليش اسلوبه معي كذا
كنت البس واكشخ واستقبله بابتسامه ويقابلني بتكشيره
اذا ابروح لاهلي هو يحدد اليوم اللي اروح وكان مل الطريق تهزيء ينكد علي زيارتي
واذا جاء ياخذني يقول ابفتح صفحه جديده
واذا ركبت السياره يشتغل بالتهزيء
المشكله كل التهزيء مو اخطائي لا والله بس يجيب قصص والحريم بقر والحريم دبش والحريم مدلعات والحريم مريحات
واذا سولفت معه ينقد كل كلمه وكل حرف عشان اسكت
ثم تغير وصار طيب معي ثلاث شهور وكان يخاف علي من الهواء الطاير
بعدها اقتلب 100 درجه اهانات وتجريح
واي شي يسعدني يحاول ينكد علي فيه
مرضت مرتين بس واذا مرضت يقولي روحي لبيت اهلك وانا اذا مرضت ماابين له بس يكون واضح بوجهي
هو كل يوم تعبان ولا مره زهقت منه
اذا عطست يتضايق
واذا كحيت ينجن وينام على الارض




بس اللي قاهرني كثير من المتزوجات اللي نيتها اول ماتزوجت حرب مع اهل الزوج ودور عليهم الزله
او اللي منكده على زوجها واهلها بحسدها وغيرتها
او الله مايعجبها العجب لو يفرش لها الارض ذهب
او اللي تخون
او اللي ماتحبه وتنكد عليه


ليش تستمر وتعيش ويركض وراها .... انا عارفه ان الله يمهل ولا يهمل ...
ليش الله على نياته وتحترم واذا اخطاء احد عليها تسكت
واللي تحترم اهل زوجها وتحترمه ويحبونها اهله ويمتون عليها يجي ولدهم يطلق
ولا تفرق بين الزوج واهله تتطلق
انا اشوف مشاكل كثير من العضوات
اللي ماتبي زوجها يهتم في امه
واللي كرهت زوجها لانه مايسافر للخارج
واللي تتحسس من اهل زوجها ودور عليهم الزله حتى بنطق الحرف
واللي كارهه زوجها لانه مديون


انا يعطيني مصروف من 1500 الى 2000 بس مااهتم
لاني افتقر منه الاحترام والموده والالفه
الفلوس مو كل شيء ابد
عايشه بيت واثاث راقي بس البيت مافيها راحة بال
مصروف البيت والاغراض متوفره باجود الاغراض
اهلي ازورهم
اهله ناس اجواد وحبايب وطلقني ومزالوا يتصلون علي
مشاوير فيه سواق خاص
غني


بس كله ولا شي الاحترام فوق كل شيء




في احد اخفت امر طلاقها وسبب
عائلتي الطلاق يخفىء ولا اخد يعرف متى نعرف انها مطلقها اذا الن زواجها الثاني ولا يعطون احد فرصه يسأل عن الطلاق فقط مبروك الزواج
وانا قررت اتبع عاداتنا
اما امي ماتأيد ولا اخوي الكبير
اما ابوي والباقين مأيدين اني مااعلن طلاقي






ماعليش اكتب وانا عقلي مشوش من صك الطلاق
دعواتكم