ابكي طول الليل بسبب هالشي تحملت بما فيه الكفايه 😭💔💔💔

السلام عليكم
طلبت من اختي بنت الوادي تعرض موضوعي واتمنى كل وحده تدخل تشوف الموضوع تجبر بخاطري بنصيحه او كلمه فـ والله انا بحال مايعلم الا فيها رب العباد



انا ولدت باسره وبيئه ملتزمه دينياً الحمدلله
تقريبا باخر سنه من الثانوي توفي والدي رحمه الله وانا واخواتي كملنا دراستنا الجامعين وتخرجنا
بعد وفاه والدي بفتره بدات مراحل الادمان ع اخوي اللي هو اصغر واحد كان وقتها بالمرحله المتوسط وكان يدخن بس بعدين بدا بادمانه ع الحشيش وصار يقضي اغلب وقته برا البيت وترك دراسته واذ كلمناه بموضوع الوظيفه يعصب وهو غير اجتماعي
قبل شهر قالنا انه اقلع عن الامور ذي ويقول عن نفسه انه مريض نفسي ويتهمنا ووصلت به يضربنا واحنا ساكتين وبكل مره يروح للبقاله يرجع خايف يقول فيه ناس يراقبوني وهو ماحد يراقبه لانه يحدد اشخاص وهذولي الاشخاص ماهم موجودين بمنطقتنا يقول هذي اعراض انسحابيه لانه تارك الحشيش وانا والله في هم وغم نزل وزني تقريبا ٥ كيلو بشهر لدرجه تغيرت لون بشرتي ووضح علي التعب والارهاق انا وخواتي كلنا والله مابالغ صرنا النوم شفتات خايفين منه يسوي شي وامي تبكي بالليل من الهم وهو مضطرب بتصرفاته مانعرف ايش نتصرف معه لان كلمنا اعمامي وخوالي قالوا زين ولا شفنا اي شي
واخواني ماعندي الا اثنين واحد مرابط بالحد الجنوبي الله يرده سالم والثاني مبتعث
مالنا احد وش نسوي والله انا نعيش بقلق وتوتر
الله يحرم يد كل من تكتب عن النار ويسعدها ولايريها في اهلها ولا من تحب مكروه