تبكين من الصباح علشان تبين جمعات حريم مستمره؟؟
بقولك قصه وخذي منها فايده واصحي لنفسك
اخوي مغترب ومتزوج عنده اخوياه يطلعون معاهم وكمان جيران مره متواصلين قبل سنه وثلاث شهور بالضبط وفجأه بدون سابق اندار اصيبت بنته باللوكيميا((سرطان الدم)) وهي احب عياله له ماتتخيلي كيف صار وضعهم غربه (( لاام ولا اب ولا اخت ولا اخ لهم هناك)) مع مرض حبيبتي مع اطفال صغار كانت تحتاج تنويم وتتنوم معاها امها وابوها واطفالهم الصغار بالبيت لوحدهم!!! احيان ياخذونهم الجارات واحيان وحده من جاراتهم تجي عندهم واحيان يرسلوا لهم اكل الام والاب خلاص انشغلوا بالتعبانه.. بدأت في الكيماوي ونزلت مناعتها صفر ماعاد صاروا يختلطوا مع احد ابد الحين لهم سنه وثلاث شهور قبل فتره كلمنا زوجته تقول مااحد دخل بيتي ولا اقدر استقبل احد ابدا صحة بنتي اهم... هذا غير انهم مايقدروا يطلعوا اماكن عامه لاحدايق ولا مولات علشان بنتها واذا مره طفشانين وبيغيروا جو يطلعوا في الظهر مع الحر والشمس متخيله كيف علشان الحدايق تكون فاضيه ومااحد يختلط ببنتهم او يقرب منها... طبعا ممنوعه ممنوعه من القرب من الاطفال اللي يتطعموا لهم اقل من شهرين عشان كذا مايقدروا يخرجوا امكان زحمه مثل المطاعم والمولات....فهمتي قصدي😔 ماعندك جمعات بإستمرار بس بكيفك وانتي واولادك بصحتكم الحمدلله واهل زوجك واختك جنبك يكفي تقابليهم كل اسبوع ويكفي تخرجي مع زوجك واولادك هذي قمة السعاده الحمدلله ماانحرمتي من ذا كله بسبب مرض

أسأل الله العظيم وب العرش العظيم ان يشفي بنت اخوي شفاء لايغادر سقما ويطوي غربيتهم على خير ويعوضهم يارب ادعوا لها 😭

ادخلي مركز لحفظ القرآن تنسي همومك ويصير وقتك فيه بركة وحفظي أولادك معاك

حللي فيتامين دال نقصه يسبب كآبة

مع احترامي لك تدورين النكد ابكي عشان مافي جمعات حريم مستمره؟
احمدي ربك أن عندك احد تجتمعين فيه مب مغتربه بامريكا ولا غيرها تخيلي الاجانب اللي عندنا لااهل ولاقرايب وشقق مايطلعون الا مره بالاسبوع حديقه عادي كلنا كذا اهلي واقاربي واهل زوجي عندي ومااروح الالااهلي كل اسبوع مره مرتين خميس وجمعه وباقي الايام ببيتي والحمدلله
تفكيرك هذا بيجيبلك اكتئاب وتتعب نفسيتك وانتي الخسرانه مانقول اننا مانمل ونطفش يجينا بس مب لدرجه البكاء ابد اسوي لي شاهي ولاقهوه وافتح النت ولا اسولف مع البنات واتس وخلاص الا لازم طلعه ؟؟
مب لازم فكري في اللي حالهم أردى منك
غيرك بالمستشفيات راقدين اسابيع ماشافوا الشارع حتى الحمدلله على النعمه واهم شي الصحه والعافيه

من قال ان السعاده في جمعات الحريم بالعكس اكثر المشاكل من هالجمعات
اختي السعاده ليست مرتبطه بأشخاص محددين ولاأماكن معينه السعاده منبعها من داخل الأنسان
الفراغ اللي تحسين فيه حله انك تدوري لك صحبه صالحه وانصحك بدور التحفيظ وانك تقبلين على عبادة الله وذكر الله وتلاوة القرآن والمحافظه على صلاتك والإبتعاد عن الذنوب من تبرج واختلاط ونميمه وأمراض قلوب وشوفي بعدها كيف ينشرح صدرك وتحسين بالسعاده نابعه من داخلك مهما كانت ظروفك الخارجيه
الله يشرح صدري وصدرك وييسر أمري وأمرك