مرحبا بالراجيه فى عالم التريكو اكيد هنشوف ابداع اكبر بوجودك
انا تلميذه زيك بس اقدم شويه وبناء على تجربتى اعتقد انك فهمتى قصد مودى بالنسبه لطريقة التنقيص بالعكسtogtherهى اللى بتكون فى آخر الشغل اما طريقة السلتدى بتكون فى اول السطر وفعلا شكلهم بيختلف واعتقد كمان عشان تعملى التنقيص فى اول وآخر نفس السطر يبقى هتعملى الطريقتين

ام عزوز
يا هلا
مشكوره يالغاليه على المرور وعلى مجاملتك الرقيقه


مدام وائل
ان شاء الله تقدرى توصلى بسهوله وتشترى ما تريدى


فرولايه
يا هلا يا هلا
انا خريجه كليه العلوم عام 95 عجوزه الراجيه
سعيده بالتعرف عليكى


هلا تسنيم
انتى استاذه ما شاءالله ليه التواضع ده
وشكرا على التوضيح

رجروجة ياعسل



طبعا مودى كفت ووفت لكن فى بعض اللاسئلة لها حلول اخرى

انت لية فصلتى الشغل عند الحردة ماانت ممكن تحردى مع الابرة الدائرة بطريقتين

اما تنقصى غرزة بدوران الشغل على مسافات ثابتة يعنى مثلا كل 5 غرزة اخد بعضهم غرزتين معا

حتنقصى الغرز ويصبح الشكل دائرى اشتغلى هكذا حتى يبقى على الابرة 3 او 4 غرز اقفليهم مرة

واحدة

او تقسمى عدد الغرز للطاقية على اثنين وتعلمى بخيط بلون مخالف الجنبين واثناء الشغل باللابرة

الدائرية تنقصى 3×1 من الجنبين فى كل سطر حتى يبقى على الابرة 6غرز اقفليهم مرة واحدة

وكدة هتكونى نقصتى وماغيرتيش شكل الغرزة

البليسية باللابرة الدائرة بتشتغلية عادى لانة من الغرز اللى وشها زى ظهرها

والطاقية طلعت قصيرة لية تفكيها ممكن تطوليها

لقطى حول حرف دوان الطاقية غرز بعدد الغرز الاصلية للطاقية وبنفس الابرة الدائرية

اشتغلى بليسية بالطول المناسب ثم اقفلى الشغل

وممكن لو الطاقية حريمى تشتغلى عليها بغرز الاجور للطول المناسب

وبالنسبة لتوصيل الخيط للشغل هقولك على طريقة سهلة وشكلها نظيف

تعالى فى اول غرزة ودخلى الخيط واعقدى عقدو واحدة وخلى طرف الخيط

طويل بمقدار 4 قراريط واجدلى طرف الخيط على الخيط الخارج من البكرة

واشتغلى بيهم معا كانهم خيط واحد حتى تختفى الزيادة ويصبح الشغل بفتلة واحدة بعد كدة

وكدة هيبقى وصلتى الخيط ومش باين بدايتة منين ويبقى الشغل نظيف

رجروجة

الطاقية اللى انت عرضاها فية قرص فى وسطها من فوق صح كدة ولا انا متهيالى

ابتدى عدد من الغرز يساوى دوران الراس واشتغلى لمسافة شبر الا قيراطين بالغرزة اللى

انت عايزاها ثم ابتدى نقصى 2معا كل السطر والسطور التالية حتى يصبح على الابرة 3غرز
اقفليهم معا وكدة هتكون واسعة من تحت وضيقة من فوق

ابله يوكو
يا هلا يا هلا
مشكوره حبيبتى على اهتمامك وردك

ان شاء الله اقرا الملاحظات وافهمها على مهل

نعم الطاقيه اللى انا عارضاها فيها قرص من المنتصف
وفهمت شرحك لها بس المشكله كيف انقص فى البليسيه
مثلا لو هعمله 2 عدل واثنين مقلوب
كيف انقص 2 معا ؟؟؟؟؟ اكيد شكله هيختلف من اعلى
صح كده والا انا مش فاهمه ؟؟؟؟؟؟؟؟؟؟؟

اختى تسنيم عوزة بترونات اطفال مرسومة جزاك الله خير