ابليس لعب علي او اخذت السالفه عناد وهاذي النهايه

السلام عليكم
بكتب لكم قصتي من يوزر صديقتي
ندمانه يابنات ندمانه
سويت شي عمري ماسويته بحياتي
انا قبل سنه ونص اعجبني شخص
بعد ماتخرجت حسيت بفضاوه
وحاولت احتك فيه اكلمه وصدني اكثر من مره
وابليس حطه براسي حاولت حاولت لمده يمكن٨
شهور لما استسلم وبدا ياخذ ويعطي معي
بالكلام قبل رافض نهائي اي كلمه
وتطورت العلاقه لما صار مايستغني عني
لدرجة لو اختفي يوم ينهبل
كل هذا قبل سنه ونص يعني علاقته
معاي سنه ونص
الولد كانت ظروفه صعبه وغير كذا عسكري
بدا يرتاح ويشكي وقالي كل شي تقريبا
عن نفسه اهله حياته
وانا مدري من وين جاني الاهتمام صرت بس اهتم فيه واكلت نمت ؟ ومعامله كانه زوجي انا ابليس خلاني اعلقه فيني
باسلوبي بطبعي
كنت بنت عند اهلي كل اللي ابيه يجيني
واصور له حتى لما اروح للمشغل مثلا اسوي شي اساله اسوي بدكير احط اي لون ؟
البس اصور له البس ايش ؟
الولد انهبل وقالي من زمان اتمنى زوجتي كذا
طبعها كذا اسلوبها كذا ذوق وتهتم بنفسها
لما قالي قبل اسبوع بخطبك عطيني رقم امك
امي تكلمها وتقول ناس ذكروها لنا
وهو بيقول لاهله معارف صاحبي وصاحبي ذاكرها لي
انا كاني صحيت من شي
كاني كنت منومه لمدة سنه ونص
لما شفت السالفه صارت جد بديت اسحب نفسي
منه
لدرجه كرهته!!
وقلت هذا اللي ناقص اخذ هالفقر العسكري!!
احس رجع لي عقلي والله كان كان فيني شي
وكل اللي سويته بدون وعي وانا مادري ليه الا هالولد يمكن لانه ماعطاني وجهه بالبدايه
وصدني اخذت السالفه عناد
او تسليه وتضيع وقت معاه
حاولت اصرفه اقول ابوي احتمال يرفض وظيفتك
واحتمال لاكن مصر مصر ويقول انا بكلمه
احس ورطت نفسي لاني لما استوعبت
انه ممكن يصير زوج ابد ابد ماتقبلت
لاشكله ولا وظيفته والله ماعرف ايش اقول
واخاف علي ذنب انه صادق وانا اللي علقته وسحبت
حاولت اصرفه اقوله اهلي يرفضون ممكن
قال ليه يرفضون كلنا نفس بعض يقصد القبيله
لانه يعرف اسمي وكل شي
قلت وظيفتك ممكن بسببب كثرة ارتباطكك فيها
والولد ملزم ويحلف ويقسم اني ماندم ولا اهلي يندمون
وانا متاكده لو خطبني جد اهلي بيوافقون
لان ابوي ابد ماتهمه الوظيفه قد مايهمه الاخلاق
انا نفسي اللي رافضته الحين وربي اكتب لكم وانا ابكي
تمنيت اني جد متقدم لي وانا متقبلته وابيه
لاكن فجاه صار بعيني ولا شي ولا شي