ابموت افزعولي

بسم الله الرحمن الرحيم
السلام عليكم ورحمة الله وبركاته
يا بنات منتدى عالم حواء انا حاسة اني بموت مو خوفي من الموت لا والله ترى الموت راحة من عذاب الدنيا
لكن الي حاسرني اعمالي السيئة الي تعبت ابيها تتحسن لكن ما قدرت
تعبت وانا ادور ورى ها العالم احاول اعمل اعمال صالحة والا تفكرت فيها فهي سيئة
مشكلتي اني أؤذي مشاعر الناس بدون احساس مني
كم جرحت وكم اذيت لكن لا اعلم الا بعد ان ينتهي كل شيء
وغير كذا عندي النميمة والسب دائما اتكلم بالناس من وراهم يا عند اخواتي او صديقاتي اللازمات ووالدتي يداخلني شعور اني اسعد الي حولي لما احش واسب واكذب بالناس واقعد احش واسب وما انتبه الا لين ينبهوني للي اسويه
واحيانا اذا صرت مقهورة من احد اقول الي سوت مع زيادات يعني اكذب فيهم
ودايم اتكلم دايم هذرة بالشرلاينفع احد احس اني الفاهمة والناس لاء
وزوجي الي دايم مذيته محسرتنبه في حياته وغصب عني ما احس بحالي
عيالي الي ماكلة حقهم وموذيتهم وما احس بالي اسويه الا لما ينامون او اجي انام او يهاوشني احد
واهلي الي مقصرة بحقهم ودايم اتهاوش مع اخواتي واتريق عليهم
وامي الي انا محملتها كل شي يصيبني بها الدنيا ولا يصيب احد من اهلي وكل مشكلة في العالم احسسها انها هي السبب لانها الكبيره والفاهمة ودايم معيشتها في تأنيب الضمير
وما احس بالي اسويه لأهلي الا لما نركب السيارة وناخذ خمس دقايق ابدى افكر بالي سويته وحنا في طريق العودة
المشكلة مالي وجه اتسمح من الناس لا يقولون قاصدة مدري كيف اتسمح منهم بطريقة غير ملفتة ولا محرجة
والصلاة وما ادراك ما الصلاة الله يرحمني برحمته بس ما ابي اتكلم
يا والله وش بأقابل الله بأي عمل حالي صعبة مع اني احب الخير واحب الناس والخلق كلهم وعلى بالي اعمل خير لين انتهي وادري انه الشر كله
عايشة مع عذاب الضمير والله يستر من عذاب الله في الدنيا والاخرة
يا بنات انا ماني اشكيلكم لان ما اتوقع ان عندكم الفرج لكن هو تنفيس وطلب ورجاء
اطلب انكم جميعاً تسامحوني ولو اني ما غلطت عليكم بس لوجه الله سامحوني وادعوا لي ان الله يسامحني
وارجوا انكم ترفعون موضوعي لعل احد اخطيت عليه يسامحني بعد
وان كان دعوة من قلب صادق الله لا يحرمكم اجرها