انا ميته غبن و غشيشة
يا بنات جاني ااكتئاب والله اني سرت انتظر اجلي
انا بنت كنت متربية عند اهلي عالغالي ولا ناقصني شي كان البنات يحسدوني كل شي عندي
خطبني زوجي من يوم شفته في النظرة وانا قلبي طايرن منه مابيه دب واسود ونظراته تحسين فيها خبث واهلي اجبروني به يقولون زين
من يوم تزوجته وانا في مشاكل انسان ماله اي شخصيه عند اهله واهله راعين شر مستطير عدوتهم الاولى في الحياة هي مرة الولد
وحالته المادية زفت اللهم لا اعتراض بس يا بنات ما يكلف على نفسه في شي ابد لو امووت في الشي لو امووت وانا محتاجه شي بكل برود يرد علي ما عندي تبيني اتسلف وادخل السجن لو بريال هذا رده
اخذ فلوس ذهبي عشان يشتري سيارة وعلى وعد وعهد على كتاب الله انه ليطلع قرض ويردها وطلع القرض لكن ما اعطاني اياه راح دخلها في مشاريعه
مسكني مع اهله انا شقه وهم دور اقوله طلعني يقول ماعندي فلوس
اقوله رجع فلوس ذهبي انا بستاجر فيه يقول ما عندي
وكلمت اهلي وكلموه قال لهم ما عندي اذا مصرة تبي فلوسها او تبي البيت خلوها عندكم الين الله يرزقني
وخلال هذي الفترة ابوه احتاج فلوس عشان يرمم بيته وراح طلع له قرض ب60000 واعطاه
معاملته لي من سيئ لاسوأ وانا تعبت
منقص علي في كل شي متزوجه لي 10 سنوات وعندي 3 اطفال باموت غبن على نفسي وعليهم اهله اسمعهم يحرشونه علي يوميا وانا والله ما جاهم مني الا كل خير اخاطبهم باحسن لسان وماقد طلعت الا بصينيتي في يدي والله انهم يطلبون ملابسي واغراضي ومواعيني ماأعزها عليهم
كل الصفات السيئة في العالم متوفرة فيه والله ما بالغ ولله ماكفرت عشيره لكن ايامي الحلوة تنعد عالاصابع معه
انا عصبيه لكن من اللي اشوفه سار لي مشكلة مع اهله ما خلصت الا وانا اتعالج في النفسيه بسبتهم وسبة ولدهم جاني قلق واكتئاب
اولادي من كثر ما ابكي ساروا يطنشون ماكنهم شايفين شي
زوجي باختصار
كذاب لدرجة الفجر حلف لي مرتين في المصحف مرة انه يعطيني فلوسي ومرة على سر ائئتمنته وكلهم فجر فيهم
زوجي بخيييييييييييييييييييييييييييييييييييييييييييييييييييييييل بخيييل لدرجة فظيعه في البداية قلت فقران لكن دخل مشاريع ودايم افتش جيوبه الاقي مبالغ فيها من العشرة الى الثلاث الاف مو اقل واذا نزلنا السوبر ماركت يقول والله مافي جيبي الا 350 ريال اقتصدي
زوجي عينه طويييييييييييييييييييييييييله لدرجة اني والد وكل ماجا يزورني يفتح الستارة اشوي وكل اشوي يلتفت لسراير الوالدات اللي معي
زوجي ملكع خبييث يسوي فيني النون ومايسطرون وبالاخير لا اشتكيت يتمسكن ويسوي نفسه المظلوم وانا الظالم ويتفاخر بهالصفة فيه
يوعدني بوعد يعطيني فلوس بزيارة لاهلي لزواج لحديقة لاي مكان في الدنيا لازم لا زم لازم يقولي هونت انتي ما تستاهلين اخرتها امس كلمته من الليل قلتله ابي اروح لزواج مع اني ماحب الزواجات بس اختي اصرت علي ووافق واليوم الثاني اكلم امي علاجوال واطلع الاقيه يتسمع لسواليفي مع امي وقلتله حلو المكان تسمع زين وشربت ماي ورجعت وجاني قال هذاا استقبال تستقبلينه زوجك عالصباح هيا مافي روحه للزواج مع العلم اني متزاعله معاه من 2شهرين ولاقد استقبلته لا استقبال زين ولا شين بس مستقعد لي
ادايم ارجع اراضيه وهو الغلطان اقوله ليش ما تعتذر وانت الغلطان قالي تبين تشيخين علي
شخصيته قدام الناس مهزوزة ولافيه ثقه في نفسه ولاحظت هالشي اكثر مع جماعتي
اذا تخاصمنا يسجل صوتي من غير ما ادري يبي يمسك علي الزله
لعبته المفضله العناد اي شي اطلبه اقوله ابي هذا الشي يرد علي ويقول يعني تبينه عناد مافيه عشان يبرر لنفسه الرفض
يضربني ويهيني حتى لو اضرب عيالي يجي ويضربني
يرفع صوته علي قدام الناس ويهزأ في سوق في شارع
يتركني بالشهور بدون ما يؤدي حقوقي عليه ويتفرج عالمقاطع الاباحية ويمارس العادة السريه يعني مستغني عني ماهو محتاجني مع اني لبسي كله ذوق وراقي في البيت وشعري مرتب وريحتي من احسن ما يكون وانا جمالي متوسط وطويله
جوالي سنه ما سدده وماعندي ثابت والانترنت من عند اهله وازعجوني فيه اذا ما سددتوا بنغير كلمة السر ومادري ايش
اخر شي قلتله سدد جوالي وجيب لي برود باند راح وسدد فاتورة اهله بالنص معهم مع انه نص المدة كان مقطوع ما ساتفت منه ومع انه عندهم جود وبعد شريحة بيانات ومع ذلك رااح وسدد 1200 معهم وانا قالي ماني مسدد جوالك ولا جايب لك لا نت وثابت
ااااه يا بنات باموت حاكرني زي الفارة في هالبيت محبوسة لي ثلاث شهور اخرتها امس يوم عييا يوديني الزواج اخذ عيالي واهله وراح يمشيهم في السوق وانا حامل منهانه ومحبوسة في البيت وعندي نزيف ويوم رجع قالي نظفي البيت وانا والله اني نظيفه وانظيف بيتي باستمرار لكن يبي يغيظني
والله يا بنات اني ابكي بكى يهز الجبال وانه ماغير يطنش ولا يسجل صوتي
لاحد يقولي تطلقي ما اقدر اتطلق اهلي عندهم مشاكل تكفيهم سنين ولا هم مستحملين اكثر واانا ما اقدر اترك عيالي انا شكيت همي لله قبل لا اشكيه لكم والشكوى لغير الله مذله بس ابموت من الغبن والظليمة ابموت والله ان ابليس سار يوسوس لي بافكار تخوف وانا اتعوذ منه وش اسوي مع هالكائن
كائن لانه مسحيل يكون انسان وفي قلبه الرحمه ويسوي فيني كذا
اعذروني كلامي ماهو مرتب وحاولت اختصر على قد ما اقدر واللي في قلبي ما يكفيني سنه عشان اقوله
حسبي الله ونعم الوكيل
قطرات المطر2222 @ktrat_almtr2222
عضوة جديدة
يلزم عليك تسجيل الدخول أولًا لكتابة تعليق.
اختي الغالية عليك بلزوم الاستغفار حاولي تستغفرين 1000 مرة في اليوم وشوفي الفرج باذن الله وايضا لوكانت في حياتك معصية ولو صغيرة اتركيها ولاتستهيني فيها ودعاء اخر الليل فسهام الليل لاتخطئ ابدا
بروره2
•
غيري اهتماماتك
انشغلي بشي مايبيله فلوس
مثال مركز تحفيظ قران
والمشي يوميا لمده ساعه
تريحك نفسيا وعصبيا من الضغوط
وتزاوري مع خواتك وجاراتك وصاحباتك
وخليه على جنب
تجنبيه
لاتتكلمين معاه كثير
اعتذري منه واذا رضي خلى بينك وبينه ابتسامه وتأديه واجباتك
وادعي ربي يرضيك بحالك
لان حالك مو بطال وعندك اشياء كثيره كويسه
دايما قولي اللى مايجي بالساهل بلاش منه
والله راح تعيشي مرتاحه
وبطلي تتناقشي وتطولي بالكلام معاه
خلي كلامك مقتضب جدا
اكسفيه بدل ما يكسفك
يعني خليه مايقدر يستعرض عضلاته عليك
فاهمه علي
اذا هو ذكي ومكار انت اذكى
ريحي بالك منه
ولاتسوي شي مانفسك تسويه من مجاملات لاهله الا اذا لوجه الله
انشغلي بشي مايبيله فلوس
مثال مركز تحفيظ قران
والمشي يوميا لمده ساعه
تريحك نفسيا وعصبيا من الضغوط
وتزاوري مع خواتك وجاراتك وصاحباتك
وخليه على جنب
تجنبيه
لاتتكلمين معاه كثير
اعتذري منه واذا رضي خلى بينك وبينه ابتسامه وتأديه واجباتك
وادعي ربي يرضيك بحالك
لان حالك مو بطال وعندك اشياء كثيره كويسه
دايما قولي اللى مايجي بالساهل بلاش منه
والله راح تعيشي مرتاحه
وبطلي تتناقشي وتطولي بالكلام معاه
خلي كلامك مقتضب جدا
اكسفيه بدل ما يكسفك
يعني خليه مايقدر يستعرض عضلاته عليك
فاهمه علي
اذا هو ذكي ومكار انت اذكى
ريحي بالك منه
ولاتسوي شي مانفسك تسويه من مجاملات لاهله الا اذا لوجه الله
الله يجزاكم عني خير الجزاء
حبي فهد بانتظار نصايحك الله يفرج عليك
عبير مشكورة عالنصيحه
برورة 2
كل اللي قلتيه فكرت فيه لكن المشكله اني مقيدة تماما فيه
ما اقدر اطلع من البيت الا معاه وماعندي جارات تجنبت اتعرف عليهم عشان ما يفشلني قدامهم
واخواتي بعيدات وان محكورة في غرفه في بيتي 3*4 ما اطلع منها لكن هو يجيني يحارشني وانا ماعاد اقدر اتحمله ياني اقعد ساكته ما ارد عليه الين يزود العيار وتنفك نفسي عليه من غير احساس
الله يفرجها من عنده
حبي فهد بانتظار نصايحك الله يفرج عليك
عبير مشكورة عالنصيحه
برورة 2
كل اللي قلتيه فكرت فيه لكن المشكله اني مقيدة تماما فيه
ما اقدر اطلع من البيت الا معاه وماعندي جارات تجنبت اتعرف عليهم عشان ما يفشلني قدامهم
واخواتي بعيدات وان محكورة في غرفه في بيتي 3*4 ما اطلع منها لكن هو يجيني يحارشني وانا ماعاد اقدر اتحمله ياني اقعد ساكته ما ارد عليه الين يزود العيار وتنفك نفسي عليه من غير احساس
الله يفرجها من عنده
الصفحة الأخيرة
وعمرك الي راح من يرجعه؟