ابناء زوجي

الله يعينك علی هالمسؤليه واحتسبي الاجر وكوني لهم ام ثانيه
عامليهم زي عيالك بالضببط ارحميهم واحضنيهم وبوسيهم وناديهم ب ياحبيبي وياحبيبتي وعيالي الحلوين وامدحييهم كثيير وكافئيهم علی اي تصرف زين
وطبعا ماشاء كلهم كبار عن المساعده سواء في الاكل او الاستحمام عدا الصغير فيهم بس علميهم كيف يرتبون غرفهم ويشيلون اكلهم للمطبخ وينظفون مكان جلستهم واهمم شي علميهم الاحترام والتقدير لك ولابوهم ولامهم بعد
والله يكتب اجرك ويرزقك محبتهم وبرهم

شوفي ياعسل هذا العمر عمر النشاط واللعب والغلط الوحده وهم اطفالها تعصب وتجنن وتطلع من طورها فأنتي حطي ببالك هذا الشي واعرفيه زين انه مو سهل لو قدرتي توفر خادمه حتى لو اسبوعيه تسويلك الاساسيات من غسيل وكوي وتنظيف عميق عشان ترتاحي نفسيا وتتفرغي جزئيا لنفسك والاطفال بالتوجيه وتعويدهم على النظام وحاولي تظبطي نفسك قد ماتقدري واتقي الله فيهم هم مجرد ضحيه وكمان احيان يجونك مشحونين نفسيا بسبب بعد امهم عنهم  واذا احسنتي لهم سبحان الله يسخر الله لابنائك من يحتويهم محد ضامن الدنيا واذا تعبتي وحسيتي مو قادره على مسؤليتهم او فقدتي السيطره عليهم حطي ابوهم بالصوره وخلي نفسك من المسوليه والله يكون بعونك  وييسرلك امرك

عامليهم مثل عيالك غلطوو علميهم اجادو شي امدحيهم دلع زايد لا عشان لايتمادون ولك الاجر

خليهم يحسوون انك امهم وخلاص راح يزبطوون والله يعينك ويكسبك الاجر احتسبي

عظم الله اجرك والله يعينك على الناس اللي عندك لو تسوين اللي تسوين مايبين المعروف احتسبي الاجر من الله بس المعذره بس من واقع تجربه مرة الاب تسوي من المعروف والله عند الناس بتظل الظالمه الشريره 

اهم نصيحه اقدمها لك..

دخلي الاب يشاركك في الاهتمام فيهم،،،

مثلا المذاكره على الاب ،،،

لا يشوفك تقومي بكل شي وينسحب لانه الام وهي ام تتعب مع اولادها فكيف الغريبه ،،،،

والضغط يجعلك تنفري منهم لذلك اكرر الاب ضروري يشاركك في القيام فيهم ...

اذا امهم مطلقه حاولي النصائح تكون من ابوهم مو منك وقولي له قل لولدك مثلا يرتب كتبه الي ع الارض ...

وانتي شجعيهم ع اي عمل يقومو فيه بعد فتره باذن الله يسمعو نصائحك ...

الطفل الصغير بيتعبك لكن احتسبي الاجر واعتبريه كاليتيم حني عليه واذا اغضبك تعوذي من الشيطان ،..

والله يقويك عليهم وتشوفيهم يتسابقوا ع البر بك في كبرك وشفنا نماذج ع ذلك ..