ابنات ساعدوني افزعولي دلوني اش اسوي

بصراحه انا مشكلتي صايره مع صديقة امي الله يهديها
اسمعو مشكلتي باختصار هذي هي معاها ماجستير شريعة وماشالله تعطي دروس ومواعظ واداب اسلاميه جامده الحرمه يجي منها ومي ماهي واصله للجامعه حتى يعني بس صاحباتها كلهم ماشالله هذي المدرسه وهذي الدكتوره وعلى كده
امي تشوف نفسها اصغر منهم قدرا الله يهديها المهم كانت هذي الحرمه بمثابة الشيخه لكثير من الناس انا لما كنت فتيه اعجبت فيني مره وقررت اني اصير تلميذتها ومادري اش كانت حاطه امال فيني مسكينه شوي خيبت املها وصرت ابعد عنها فهي بدال
ماانها تعمل بلي كانت ادرسني هو عن اخلاق الداعيه وكيف لازم يكون لأ حقدت علي ويمكن والله اعلم انها صارت تهتم ببنات ثانيات ماكانت تهتم فيهم اول اكثر مني
المهم ياحبايبي انا بعدت وبعدت في الأخر تزوجت واحد والله ياناس مدين ومطوع بس ماتبغاه لأنو مو داخل مزاجها انا ماكنت عارفه انو مو داخل مزاجها بس بعدين عرفت المهم اني صرت بعيده عنها والله اقولكم صح انا حفيت شوية من حواجبي الله يغفرلي يارب
وطلعت قدامها عشان لما بدي اخاف ماحخاف منها هي مو ربي وبعدي زوجي جابلي عبايه شويه فيها ساتان عالأطراف لكن لأسف هي صارت تشوف نفسها زي كانها مادري والله ايش بس هي فيها شوية انفه
المهم انها كانت جالسه بتقول للناس والله لما تبعدو عن الدروس تقسو شوفو ميسم اظافر طويله !مناكير!!! هدوله مادري من فين وايش ونتف حاجب وعبايه مادري كيف والمهم بهرت فيني الين قالت بس
مرت اخويه كانت بلمجلس وراحت حكت لأمي امي مسكينه هي وابويه يخافو يبنات يخافو من احد يقول كده على عيالهم يعني حتى لو كانو الناس غلطانين فيهم مايقولو شي اهم شي سكرو عالسيره يعني ثقتهم فينا وبانفسهم شوي مزعزعه بعدين امي اتصلت فيها
قالتلها بكل ادب عشان هي ادرس امي كمان وامي متخذتها قدوه كمان قالتلها مو حرام انك تغتابي بنتي وتشهري فيها وصارت تفهمها هديك اخذتها العزة بالإثم وقالت بنفسها كيف هادي الي مهي دارسه وتلميذتي تنصحني وتنتقدني وصارت تقول امي اعوذ بالله ماتترك لأمي مجال تتكلم حسبي الله ونعم الوكيل
قالتلها مين قلك وامي قالتها فلانه قالت هذيك هادي نمامه وانا معاد اشيل هالصفه عنهاوعلى فكره هي ماشافتني بالعبايه ولما الناس وصولها الكلام عني ليش ماقالت عنهم نمامين
بعدين امي سكرت السماعه مكسورة الخاطر وزعلت مني وابوي زعل مني ودحين هذي الحرمه كبرت المشكله وصارت تتصل باصحاب ابويه وامي شوفو الكسفه الي سويتها لأبوي والله لولا الله مابسامحها ولا بقول غير الله ينتقم منها لكن هذي مو اخلاقي حسبي الله بس
ابوي وامي زعلانين مني دحين بالله يابنات امانه عليكم تقلوي هذي اخلاق داعيه مسيوه نفسها علامه الا شوي او لأ اكثر هذي اخلاق
يابنات افزعولي دلوني اش اسوي