أ. خلود الغفري @a_khlod_alghfry

عضوة شرف بعالم حواء

ابنتي الصغيرة تريد شراء قطة .. وانا مترددة!!!!

السلام عليكم..

حبيباتي والله احترت وقلت لازم اسأل خواتي في منتديات حواء..

انا بنتي نازلة تزن علي علشان اشتريلها قطة.. وانا خااايفة تجيب القطة امراض وعقم سمعته من ناس كثيييير.. مع العلم اني وانا صغيرة ربيت قطوة نونو كم شهر وبعدين الوالد اخفاها ورا الشمس (مادري مين وسوسله خخخخ)..

المهم.. رجاااااء من لديها قطط او خبرة في تربية القطط تقولي عن تجربتها..
يعني اشتري والا لأ؟ واي نوع اشتري؟؟؟؟

بانتظار ردودكم يا غاليات :26:

18K

يلزم عليك تسجيل الدخول أولًا لكتابة تعليق.

تسجيل دخول

حزن في سجن أنيق • 17 سنة

وراك وراك يا أم عمر (بالهمزة ):22:

في الحياة الأسرية ولا في التجارب والحلول المنزلية

والله حبيبتي انا ما انصحك تشتريلها

بسبب الجرثومة اللي تسبب العقم وكمان بصراحة انا ما أطيق القطط :eek:

ولا الحيوانات او الطيور توسخ البيت ويبغالها مجهود مضاعف

يعني كان عندنا عصفور كنارى والله أحيانا نلقى ريشه في المطبخ كيف ماندري
مع ان مكانه بعيد عن المطبخ

ولا ارتحنا الا لمن شلناه
بصراحة حسيت ان البيت صار نظيف وارتحت نفسياٌ

والرأي في الأول والأخير رأيك ياعسسسسسسسل:26:

على فكرة انا مبسوطة اني اول وحدة ارد عليك

ام ايمن 5 • 17 سنة

هلا اختي ام عمر احكي لك تجربتنا مع القطط انا واختي الاصغر مني نحب القطط وكان عندنا واحده نونو وحلوه خالص انا احب القطط الصغيره وبس كبرت تركتها لاختي وكانت تنام معها ومهما تحاولين تبعدي القطه الا وتلاقيها نايمه مع العيال وبعد اكتر و4 شهور اختي مرضت وصار خدها وارم والغده تحت اذنها منتفخه والدكتور قال ان هدا المرض بسبب حيوان اليف واتضح انو من القطه والحمد لله انو خف بس بعد عمليه جراحيه , وبعد ذلك اتضح انو الحساسيه الكان في صدرها من صوف القطه بس دي عرفناها بعد ما القطه ذهبت وراء الشمس ووجدو ان الحساسيه راحت معها , اشتري ليها القطه البتشتغل بلبطاريه والله كانها حقيقيه . لك الشكر اختي

شقراوية شقراوية • 17 سنة

السلام عليكم ورحمه الله وبركاته

نصيحه لالالالالالالالالالالالالا تشترين لها قطه

<<<<<<بيتهم صايره حديقه حيوان وانتي بكرامه

قطط وعصافير وكناري وبغبغاءوارانب وبط واسماء واشياء غريبه :(

والحمد لله بدينا نتخلص منهم شوي شوي لان اخوي مجنون شي اسمه حيوانات وانتي بكرامه

ترى اخوي كبير مو تحسبينه نونو ه بس الله يخلف يموت على هالاشياء

بس من جد يبيلهم عناااااااااايه بقوه احنا عندنا 6 قطاوه

بس من جد لو اهملتيهم الله يعينك على الريحه والحشرات

مجد7 • 17 سنة

شقراوية شقراوية :

السلام عليكم ورحمه الله وبركاته نصيحه لالالالالالالالالالالالالا تشترين لها قطه <<<<<<بيتهم صايره حديقه حيوان وانتي بكرامه قطط وعصافير وكناري وبغبغاءوارانب وبط واسماء واشياء غريبه :( والحمد لله بدينا نتخلص منهم شوي شوي لان اخوي مجنون شي اسمه حيوانات وانتي بكرامه ترى اخوي كبير مو تحسبينه نونو ه بس الله يخلف يموت على هالاشياء بس من جد يبيلهم عناااااااااايه بقوه احنا عندنا 6 قطاوه بس من جد لو اهملتيهم الله يعينك على الريحه والحشرات

السلام عليكم ورحمه الله وبركاته نصيحه لالالالالالالالالالالالالا تشترين لها قطه...

مين قال قطط:humm:

زوجي جاب قطة للعيال ..........يحليلهم علشان يستانسون ..........ببلاش ماشراها

وبعدين العيال كسروا ايدها ............وحرام هاي بذمتنا
وديناها البطري كلفنا علاجها الف للجبس
و500 للتطعيمات ...............يامن شرالة من حلال
علة ...................لالالالالاوبعد ببلاش القطوة

بصراحة علتني
اتخيلي ريحة المطبخ صارت وانت بكرامة بول
ما ادري شلون ...............ايش جاب البول للقدور
ولم كنت انضف بالماي تحت الكباتات تطلع ريحة خااااااااااااايسة :09:
المهم اني طردتها من البيت
يعني مكانها الحوش
احس انة البيت صار نضيف بعد ما ورتنا عرض اكتافها
والحين الحوش عندي ريحتة خااااايسة
طبعا صارت الاخت تعمل عملتها بالتراب ..........خربتلي الزرع كلة
ااااااااااااااااااااااااااااااة وواااااااااااااااااااااااااااااااااااااه

um_wa2l • 17 سنة

أم عمر ذكرتني بسالفة ... سمحي لي أقولها ولو انها خارج الموضوع شوي

أختي الصغيرة مثل بنتك يا أم عمر ... تزززززززززن على راس الوالد -الله يحفظه لنا يارب-

ماعندها إلا : يبه أبغي قطوة .... بيه ابغي قطوة ... يبه متى تشتري لي قطوة ؟؟

يوم نجحت قالت حق ابوي : خلاص الحين ابغي هديتي أبغي القطوة ..:42:

قام الوالد سألها قالها : ألحين انتي ليه تبغين القطوة ؟؟

قالت: عشان هي أليفة .. و أنا ابغي اربي حيوان أليف .. <<< اختي رومانسية :hahaha:

قال لها : خلاص بشري .. :arb:

اليوم الثاني دخل علينا الوالد:arb: .. قال وين فلانة ..؟؟؟

نادوها .. جبت لها الحيوان الأليف الي تبغيه ..!!!

جات أختي ركض من الوناسة .. :eek:

قالها روحي الحوش ..

حيوانج الأليف ينتظرج ..

ماطلعنا إلا الوالد شاري لها

عنزة !!!!

:)