اختي استخدمي لغه الحوار وتكلمي معها بالعاطفه قولي انا امك ولدتك وتعبت عليك وحملتك تسع شهور وكذا،،عشان تكسبينها وببن فتره وفتره بين حق الام وان الشي الي تسوينه بامك بيرجع يسونه اولادك فيك لان شكل بنتك عناديه والعناد ماتمشي بالعناد حاولي تسايسيها وتعاقبيهابدون ضرب او اخليه اخر حل وعليك بالدعاء الله يهديها ويصلحها

كيف اول متوسط معها جوال
انتوا صاحين؟؟
حراااااام هذي امانة مسؤولية

قولي لابوها خليه يسحب الجوال
ابوها اقوى منك علميه عليها
صحيح بيزعل وبيضرب وبيوجعك قلبك

بس معليش كلو في مصلحتها

لاتفكرين تمدين يدك عليها .. بنتك بعمر بلوغ وبعمر محتاجه انك تصادقينها
لاتفكرين ابدا تسوين هالي كاتبينه فوق او تدخلين ابوها بالموضوع ..
صادقي بنتك .. شوفي وش محببها في عمتها ! وسويه لها ..

اجذبيها لك . وحاولي تدخلين بجوها .. لاتقولين وش هالسوالف وكبرت ع هالاشياء ابدا ..
صدقيني بما انها اكبر بناتك لاربيتيها صح هي الي بتساعدك بتربيه البقية من عيال وبنات
عمرها حساس انتبهي وانتبهي وانتبهي لها .. لاتخسرينها وتحط اللوم فيك .
لاتخسرين سمعتها وتجيك يوم وتخليك انتي وتربيتك السبب ..

اذا استهرت فيك بيني لها انك متضايقه مافيها شي بس بدون صراخ ولما تكونون لحالكم قولي لها ياماما مره ضايقني كلامك .. مايصير تكلميني كذا حبيبتي ..
صدقيني هالعمر يبون احتواء . نشيطين ويبون مغامره يبون يطلعون الي جواهم ومايبون الي يامرهم او يكلمهم بعنف
وعمر تحدي الي ماتطوله بيدها تطوله بلسانها وغصب
فـ اكسبيها ترتاحين ..
افتحي اليوتيوب واسمعي مقاطع لطارق الحبيب ودكتور ميسره و و و "عن التعامل مع المراهقين"
اكسبيها .. احضنيها .. اسهري معها .. امسحي ع شعرها .
خليها تساعدك باختيار ملابسك .. تسريحتك ..
شاوريها ها شرايك وش احسن ذا ولا ذا
اذا طلعت محل قولي لها اختاري لي ع ذوقك يعجبني مره تبارك الله
اذا طبخت امدحي طبخها ..
ناديها تساعدك بطبخ او بترتيب سفره او سوي شاهي العصريه وحطيه بالحوش وناديها بروحها
قولي لها تعالي سليني ابيك جنبي .. ولا تعالي سولفي معي
صوري الشاهي ونزليه بقروب هي فيه بالواتس او بالانستجرام واكتبي جلستي انا واغلا الناس
جلستي انا وبنيتي ومن هالكلام
صدقيني بتتغير بنتك معك كثيييييييير
اتعبي شوي عشانها وضحي شوي عشانها ..
قولي لها يلا نومي اخوانك وخل نطلع انا وياك نتعشا بروحنا بدون الصغار والازعاج
بنتك بين مرحلتين مرحله طفوله ومرحله تحس انها كبيره
فـ تشتت قوي غير النفسيه والبلوغ والهرمونات ,.

ودايما ادعي لها .. ارسلي لها بالواتس صباح الخير جميلتي .. مساء الخير ع البنت الحلوه
عززي ثقتها بنفسها
اذا حكتك عن اشياء تسويها هي وصديقاتها بالمدرسه لاتصرخين عليها او تهاوشينها
طبعا الغلط بحدود زي مثلا هربنا من الفصل طبلنا رقصنا اضحكي معها شوي وبعد فتره نبهيها قولي لها ولو يمه عاد لحد يحكي بك
الا بنيتي زين !!!

لو حابه اساعدك اكثر راسليني خاص بساعدك بعده مقاطع ومقالات وطرق وممكن اتابع معك المشكله :)

الله يصلحها ويهديها يارب ويكون في عونك

فديتك ميمو  كلامك  روعه ياليت اتواصل،معاك  وربي ريحني كلامك  ربي يسعدك