ابنتي بتترك المدرسه

اخواتي سلام من الله عليكم
اطرح عليكم مشكلتي ربما تكون في نظر الغير بسيطه ولكنها بنسبة لي اثقل من الجبال
المشكله
ابنتي صغيرتي ربي يحفظها لي لم يتجاوز عمرهاسبع سنين في الصف الاول الابتدائي تحب المدرسه ولكن لها فترةكارهه المدرسة ولما اسئلها تقول صديقاتي مايلعبون معي
ومرة الاسابيع وابنتي تاتي للبيت كايبة حزينه
واليوم قالتلي بنت اختي معاها بنفس المدرسه بس بصف ثاني ان صديقاتها يهاوشونها ويقولون وخري عنا لاتلعبين معنا متحدين عليها الفصل كله عليها مع ان بنتي هاديه جداونظيفه ومؤدبه وشاطرة بشهادة معلماتها
ضاق صدري وسالتها قلت صدق ان صديقاك مزاعلينك قالت لا لا هم بس مايبغوني العب معهم وسكتت بحزن كانها تتذكر شي صراحه مقهورة عشان بنتي كانت تجي من المدرسه مبسوطه وهالحين لها قرابت الشهر بحزن تكفون ابغى حلول وكيف اتعامل مع بنتي مع العلم انها ماتعلمني بشئ لين اواجها يمكن عشان تخاف ولاتبغي احديقول لها انتي مالك صديقات اوصديقاتك مايحبونك ساعدوني الله يساعدكم أرجوكم ادعو الله انه يسخر لها صديقاتها والله بكيت قبل شوي قالت ماما ماصليت العشاء قلت صلي قالت خلاص ابصلي واذا جاء التشهد الاخير اقري واقرى وراك ولما صلت وجلست للجلسه اللخيره وقراءة التحيات سكتت وقعت اقرى اللهم صلي على محمد وهي تقرا وراي ولما سلمت رفعت يديها وقالت








يارب يصيرو صديقاتي حبوبين معايه
موقف محزن تمنيت اني مادرستها لانها لما درست كان عمرها 5وعشر شهور مودي يكسرون قلبها ويضايقونها والله عجزت كتب اكثر تكفون طلبتكم ادعولها ودلوني الله يخليكم