اختي اساليها عن السبب
ولا تسمحي لها تفرط بالدراسه ولو حتى سنه وتجي تلومكم بعدين

كلمي اعز صديقاتها تقنعها ..


اختي يوم كانت بسنها نفس الشي قالت معد ابي دراسه ... وقعدت في البيت وخلوها اهلي ما غصبوها هلى اساس السنه القادمة ان شاء الله ترجع ..... المهم جلست سنه في البيت ولا روحات ولا فسح الكلام هذا زمان ماكانو البنات يطلعن ... المهم تندمت واناظرت السنه اللي بعدها بفااارغ الصبر وصارت بعدها اشطر بدراستها وامثر اهتمام

كلميها وحاوريها وافهمي منها ليه ماتبي وإذا مافيه سبب مقنع اغصبيها فهميها هذا مستقبلها الوضع مايستحمل أن البنت تجلس بدون دراسة شوفي الآن جامعيات ويشتغلون عاملات نظافة فكيف الوضع لما تكبر بنتك وبدون شهادة فهميها وعلميها إلا الدراسة لا تتركها بعد سنوات ما راح يكون فيه ربات منازل إلا ما ندر الكل بيشتغل ويتعب ويكون نفسه لأن الأمور تزداد صعوبة سنة عن سنة تدرين راح يفتح مجال للوظائف النسائية بشكل أكبر بإذن الله وعلى وقتهم بتدخل الشركات الكبيرة اللي ما تمشي بواسطات وغثاء ففهميها أن بيدها تشتغل عاملة أو مديرة أو حتى وزيرة حسب شهادتها بيكون موقعها بين بنات جيلها لما تكبر وأكيد ما راح ترضى تكون الأقل بيناتهم اقنعيها لما تعرفين الأسباب إذا مدرستها فيها بنات مضايقينها انقليها بس لاا تترك دراستها لا تطاوعينها حتى لو بكت ..

اول شي شيلي الجوال
ثاني شي لاتغيب ابدا وش تفصلينها صغيره هذي ماتعرف مصلحتها غيري مدرستها اذا استلزم الامر يمكن احد من البنات مستقعد لها
ويمكن كذا بس كسوله ماتبي الدوام
الانتساب للكبار والمرضى والمتزوجات وذوات الظروف الخاصه


بنتك وش فيها وش ناقصها متخلفه ولا مريضه
لا مافيها الا العافيه
ونصيحه شيلي الجوال اذا كان سبب اهمالها

خلي ابوها يضغط عليها ويجبرها
روحي كلمي معلماتها واعرفي وش السبب قولي لها اليوم الي تغيبين فيه مافيه جوال هذاك اليوم حتى لو اصرت ماعاد تداوم اسحبي الجوال منها نهائيا